Չինաստանում թռչող ավտոմեքենա է փորձարկվել։ Մեքենան ստեղծվել է չինական Հարավարևմտյան Ցզյաոտոն համալսարանի հետազոտական կենտրոնի մասնագետների կողմից: Հաղորդում է Mezha.Media-ն։
Տեղական ԶԼՄ-ների տվյալներով՝ Չինաստանի մայրուղիներից մեկում հաջողությամբ փորձարկվել է մագնիսական լևիտացիայի (maglev) տեխնոլոգիայով հագեցած մեքենան։
2,8 տոննա կշռող մեքենան սավառնել է ճանապարհի մակերևույթից 35 միլիմետր բարձրության վրա՝ սնվելով էլեկտրամագնիսական ուժով և առաջնորդվելով նախապես տեղադրված հաղորդիչ ռելսերով:
- Գովազդ -
Ըստ երևույթին, մեքենայի համակարգը նման է գերարագ գնացքների համակարգին, որոնք զարգացնում են մինչև 600 կմ/ժամ արագություն: Առայժմ գիտնականները կարողացել են հասնել մինչև 230 կմ/ժ արագության զարգացման, բայց մայրուղու վրա կայունության համար դեռ պետք է աշխատել:
