Դանիական խաղալիք արտադրողի եկամուտը 2023 թվականին նախորդ տարվա համեմատ աճել է 2%-ով՝ հասնելով 88.4 մլրդ եվրո,- գրում է Euronews-ը:
Անցյալ տարվա աճը 2022 թվականի համեմատ զգալիորեն ցածր էր: Lego-ի եկամուտները նախորդ տարվա համեմատ աճել են 17%-ով: Սա, 2017 թվականից ի վեր, դանիական ապրանքանիշի ամենադանդաղ աճն է: Տնտեսական ճգնաժամը վերջին շրջանում ստիպել է սպառողներին վերանայել իրենց ծախսերը, հատկապես տոների նախաշեմին, որոնք ամենասպասված ժամանակն են խաղալիքներ գնելու համար:
Ըստ փորձագետների՝ ավելի քան 15 տարվա ընթացքում արդյունաբերությունն ամենածանր ժամանակահատվածն է ապրում: Lego-ի անցյալ տարվա արդյունքներն այնքան էլ հիասթափեցնող չեն, որքան կարող է թվալ առաջին հայացքից:
Դանիական ընկերությունը հայտարարել է, որ 2023 թվականին գործառնական շահույթը կազմել է 2.3 մլրդ եվրո, իսկ 2022 թվականին այն կամել է 2.4 մլրդ եվրո:
«Մենք գոհ ենք մեր կատարողականից՝ հաշվի առնելով, որ 2023 թվականը ամենաբարդ շրջանն էր վերջին 15 տարում», – ասել է Lego-ի գործադիր տնօրենը:
Lego-ն նաև դիվերսիֆիկացնում է իր գործունեությունը ՝ ներդրումներ կատարելով այլ ապրանքների մեջ, ինչը թույլ է տալիս, որ իր եկամուտները պահպանվեն:
«Մենք շարունակեցինք ներդրումներ կատարել ապագայի համար և զգալի առաջընթաց ենք գրանցել թվային, կայուն զարգացման և մանրածախ առևտրի ոլորտներում, որոնք կապահովվեն երկարաժամկետ աճ», – ասել է Lego-ի գործադիր տնօրենը:
Վերջին տասնամյակում Lego-ն ներդրումներ է կատարել նաև կինոյի և հեռուստատեսային արդյունաբերության մեջ՝ ստեղծելով իր սեփական արտադրությունը, որտեղ գլխավոր դերերում հանդես են եկել հայտնի կերպարները:
Lego-ի հիմնադրի ծոռնուհին վաճառել է մոտ 1 մլրդ դոլարի բաժնետոմս
Բաժանորդագրվեք մեր ալիքին Telegram-ում
