ՀՀ մշտական բնակչության թիվը նվազել է․ որքա՞ն մարդ է ապրում Երևանում և մարզերում

1 Min Read

Հայաստանի վիճակագրության կոմիտեն հրապարակել է 2022-ի հոկտեմբերին Հայաստանում անցկացված մարդահամարի նախնական տվյալները:

Ըստ այդմ, Հայաստանի մշտական բնակչությունը 2022 թվականին կազմել է 2 մլն 932 հազար 731 մարդ, իսկ նախորդ մարդահամարի արդյունքներով՝ 2011 թ․-ին, եղել է 3 մլն 18 հազար 834 մարդ։

Հայաստանի առկա բնակչությունը 2022-ին կազմել է 2 մլն 689 հազար 438 մարդ, իսկ նախորդ մարդահամարի արդյունքներով՝ 2011 թ․-ին, եղել է 2 մլն 871 հազար 771 մարդ։

Այսինքն՝ 11 տարում ՀՀ մշտական բնակցութան թիվը նվազել է շուրջ 86 հազար 123-ով կամ 2,8 %-ով։

Նկատենք, որ մայրաքաղաքում մշտական բնակչության թիվն աճել է, մյուս բոլոր մարզերում՝ նվազել, ինչը վկայում է կենտրոնացվածության մակարդակի աճի մասին։

Նշենք, որ մշտական բնակչության թվաքանակում ներառված է ՀՀ-ում մշտապես բնակվող ու հաշվառման պահին ներկա ու ժամանակավոր բացակա բնակչության թվաքանակի ցուցանիշների հանրագումարը, իսկ Առկա բնակչության թվաքանակում ներառված է ՀՀ-ում մշտապես բնակվող ու հաշվառման պահին ներկա ու ժամանակավոր ներկա բնակչության թվաքանակի ցուցանիշների հանրագումարը:

Անժելա Պողոսյան

TAGGED:
Share This Article
Թողնել մեկնաբանություն