Պետական եկամուտների կոմիտեն հայտնում է, որ ՀՀ շրջակա միջավայրի նախարարության կողմից նախաձեռնվել և ՀՀ կառավարության կողմից 2022 թվականի դեկտեմբերի 1-ի N 1825-Ն որոշմամբ սահմանվել է սնդիկի հավելիչով արտադրանքի ցանկը, որոնց արտահանումը Հայաստանի Հանրապետությունից և ներմուծումը Հայաստանի Հանրապետություն արգելվում է վեց ամիս ժամկետով։
Որոշումն ուժի մեջ է մտել 2023 թվականի հունվարի 1-ից: Որոշման դրույթներին համապատասխան՝ որոշակի արտադրատեսակների ներմուծումը և արտահանումը Հայաստանի Հանրապետություն կթույլատրվի դրանց մեջ սնդիկի թույլատրելի պարունակության կամ սնդիկի բացակայության վերաբերյալ փաստաթղթային հիմնավորումը մաքսային մարմիններին ներկայացնելու պայմանով։
![](https://banksnews.am/wp-content/uploads/2024/05/converse-970x250-c360.webp)
Հետևաբար, կոմիտեն ԱՏԳ իրականացնողներին (ներմուծող, արտահանող) հորդորում է հաշվի առնել վերը նշված որոշմամբ սահմանված դրույթները՝ նախապես ապահովելով այդպիսի արտադրատեսակների մեջ սնդիկի թույլատրելի պարունակության վերաբերյալ անհրաժեշտ փաստաթղթային հիմնավորումների առկայությունը` մաքսային մարմիններին դրանք ներկայացնելու և մաքսային վարչարարության ընթացքում հնարավոր խնդիրներից
խուսափելու նպատակով։
Հայտնում է ՊԵԿ տեղեկատվության և հասարակայնության հետ կապերի բաժինը։
Ըստ ՀՀ կառավարության 2022 թվականի դեկտեմբերի 1-ի N 1825-Ն որոշուման՝ ապրանքների արգելված ցանկը հետևյալն է․
- Առաջնային տարրեր եւ առաջնային մարտկոցներ՝ սնդիկ-օքսիդային
- Սնդիկային լամպեր
- Լյումինեսցենտային լամպեր
- Բարձր ճնշման նատրիումային լամպեր
- Կոսմետիկական, դիմահարդարման կամ մաշկի խնամքի միջոցներ (բացի դեղամիջոցներից)
- Օճառ, որպես օճառ օգտագործվող մակերեւութային ակտիվ օրգանական նյութեր եւ միջոցներ
- Սնդիկ պարունակող մարտկոցներ, բացառությամբ արծաթացինկային եւ օդացինկային կոճակային մարտկոցների, որոնցում սնդիկի առավելագույն պարունակությունը 2 տոկոսից քիչ է
- Սնդիկ պարունակող անջատիչներ եւ ռելեներ, բացառությամբ բարձր ճշտության կոնդենսատորային կամրջակների եւ կորստի չափման կամրջակների եւ բարձր ռադիոհաճախականության անջատիչների եւ հսկիչ սարքերի ու կարգավորիչների ռելեների, որոնցում սնդիկի առավելագույն պարունակությունը 20 մգ է մեկ կամրջակի, անջատիչի կամ ռելեի հաշվով
- Սնդիկ պարունակող պեստիցիդներ, բիոցիդներ եւ տեղային հակասեպտիկներ
- Սնդիկ պարունակող ոչ էլեկտրոնային չափիչ սարքավորումներ՝
– բարոմետրեր
– հիգրոմետրեր
– մանոմետրեր
– ջերմաչափեր
– սֆիգմոմանոմետրեր
Բաժանորդագրվեք մեր ալիքին Telegram-ում