Վրաստանի արտաքին առևտուրը շարունակում է աճել. վիճակագրություն

Վրաստանի արտաքին առևտրաշրջանառությունը 2025 թվականի հունվար-փետրվարին նախորդ տարվա նույն ժամանակահատվածի համեմատ աճել է 15,4 տոկոսով և կազմել 3,6 միլիարդ դոլար (առանց չկազմակերպված առևտրի), ասվում է երկրի Ազգային վիճակագրական ծառայության «Սակստատ» կայքում տեղադրված զեկույցում։

Հաշվետու ժամանակահատվածում երկիր է ներմուծվել 2,7 մլրդ դոլարի արտադրանք, ինչը 19,5%-ով ավելի է 2024 թվականի հունվար-փետրվարի տվյալներից։
Արտահանումը կազմել է 835,4 մլն դոլար՝ 4 տոկոսով ավելի, քան 2024 թվականի հունվար-փետրվարին։

Վրաստանի բացասական առեւտրային հաշվեկշիռը կազմել է 1,9 մլրդ դոլար, ինչը 53,1 տոկոսով ավելի է նախորդ տարվա նույն ցուցանիշից։

Վրաստանի արտաքին առևտրաշրջանառությունը 2024 թվականին 2023 թվականի համեմատ աճել է 8 տոկոսով և կազմել 23,4 միլիարդ դոլար (առանց անկազմակերպ առևտրի), մինչդեռ վրացական արտադրանքն անցյալ տարի արտահանվել է 6,6 միլիարդ դոլարի չափով՝ գրեթե 8 տոկոսով ավելի 2023 թվականի համեմատ։

2024 թվականին երկիր ներմուծվել է 16,8 միլիարդ դոլարի արտադրանք, ինչը 8,1 տոկոսով ավելի է, քան 2023 թվականին։