ՀՀ պաշտպանության նախարարության կողմից իրականացվող՝ Հայաստանի Հանրապետության պետական բյուջեի 5 ծրագրով 2025-ի համար նախատեսվում է հատկացնել 664 միլիարդ 653 միլիոն 454 հազար դրամ: Այս մասին խորհրդարանում 2025 թվականի պետական բյուջեի մասին օրենքի նախագծի քննարկման ժամանակ հայտնեց ՀՀ պաշտպանության նախարար Սուրեն Պապիկյանը:
Պատասխանելով ընդդիմադիր գործընկերների մեղադրանքներին, թե զինվորականների աշխատավարձերը չեն բարձրանում, դրանք որակեց «բացարձակ սուտ»:
«Աշխատավարձը բարձրացվել է, ավելին, ատեստավորված զինծառայողները ստանում են 123 հազար դրամ հավելավճարից մինչև 470 հազար հավելավճար: Այն ատեստավորման համակարգը, որի մասին խոսում եմ, որը մինչ այսօր քննադատվում է ձեր կողմից, մեկը կամք չի ունենում քաղաքական՝ ասելու, թե լավ բան է արվում»,- ասաց Սուրեն Պապիկյանը:
