ՃԱՊՈՆԱԿԱՆ ՏՆՏԵՍՈՒԹՅՈՒՆԸ ԵՐՐՈՐԴՆ Է ԱՇԽԱՐՀՈՒՄ․ ՎԵՐԼՈՒԾՈՒԹՅՈՒՆ

Տնտեսական քաղաքականություն իրականացնելիս պետք է չափազանց լավ ծանոթ լինել տարբեր երկրների տնտեսական պատմությանը։ Այս դասերը կարևոր են չնայած այն փաստին, որ դրանք տեղի են ունեցել անցյալում, և ներկայումս իրավիճակներ են փոխվել։ Այդուհանդերձ, կան նրբություններ, որոնց կիրառության տեղն ու ժամանակը շատ հմտորեն կարելի է օգտագործել։ Այս առումով չափազանց ուսանելի է ճապոնական փորձը։

Ճապոնիան մի պետություն է, որն ամբողջությամբ քայքայվել էր երկրորդ աշխարհամարտի ժամանակ։ Սակայն, ինչ-որ հրաշքով ներկայումս աշխարհի խոշորագույն տնտեսություններից մեկը ճապոնականն է։ Հետաքրքիր է ուսումնասիրել այս երկրում իրականացված տնտեսական քաղաքականության փուլերը` երկրի տնտեսության զարգացման տարբեր ժամանակահատվածներում։ Դրանցից հնարավոր կլինի քաղել ամենաէականները և կիրառել ներկայում կամ ապագայում։

Նախքան ճապոնական տնտեսության վերելքի պատճառները հասկանալը, ուսումնասիրենք Ճապոնիայի սոցիալ-տնտեսական մի շարք ցուցանիշների վարքագիծը.

Գծապատկեր 1. Ճապոնական տնտեսության առանցքային ցուցանիշների վարքագիծը` 2021 թ.-ի դրությամբ

Պարզվում է՝ 2021 թ.-ին Ճապոնիայի ՀՆԱ-ն կազմել է $ 4,937.42 մլրդ։ Այս մակարդակում Ճապոնիայի տնտեսությունը երրորդն է աշխարհում։

Երկրորդ հորիզոնականում է Չինաստանը։ Սակայն, զարմանալի է` այդ ինչպես է միլիարդից ավելի բնակչություն ունեցող Չինաստանը համարվում աշխարհի երկրորդ տնտեսությունը, իսկ 2021 թ.-ի դրությամբ 126 մլն մարդ ունեցող Ճապոնիան՝ ընդամենը երկրորդ հորիզոնականը։ Նկատենք, որ բնակչության թվաքանակով 2021 թ.-ի դրությամբ ճապոնիան զբաղեցնում է 12-րդ հորիզոնականը, իսկ մեկ շնչի հաշվով ՀՆԱ-ի մակարդակով՝ մոտ $39,500, 27-րդ հորիզոնականը։

Խոստովանենք, որ ներկայիս արդյունքները տպավորիչ են, որին նպաստել են ստորև բերված մի շարք գործոնները։

Գծապատկեր 2․ Ճապոնական տնտեսության հաջողության մի շարք պատճառները

Ճապոնական իշխանությունները կարողացել են ապահովել ներդրումների բարձր տեմպեր հատկապես արտադրողական ոլորտներում։ Նշվում են գերազանց հարաբերությունները գործատուների և աշխատողների միջև։ Ճապոնիայում առկա  է հեշտ մուտք դեպի նորագույն տեխնոլոգիաներ, ինչպես նաև զանգվածային հետաքրքրություն նորարար աշխատանքի նկատմամբ։ Ճապոնիան հսկայական ներքին ներդրումներ է իրականացնել ենթակառուցվածքներում և արդյունաբերությունում։