Ռուսաստանի 11 օդանավակայաններում թռիչքների ժամանակավոր սահմանափակման ռեժիմը երկարացվել է մինչև 2022 թվականի սեպտեմբերի 28-ը՝ Մոսկվայի ժամանակով ժամը 03:45-ը։ Այս մասին հայտնում է Объясняем.рф կայքը, հղում անելով ՌԴ օդային տրանսպորտի դաշնային գործակալությանը։
Ժամանակավորապես սահմանափակվել են թռիչքները դեպի Անապա, Բելգորոդ, Բրյանսկ, Վորոնեժ, Գելենջիկ, Կրասնոդար, Կուրսկ, Լիպեցկ, Դոնի Ռոստով, Սիմֆերոպոլ և Էլիստա օդանավակայաններ։
Ռուսական ավիաընկերություններին առաջարկվում է ուղևորների փոխադրում կազմակերպել այլընտրանքային երթուղիներով՝ օգտագործելով Սոչիի, Վոլգոգրադի, Միներալնիե Վոդիի, Ստավրոպոլի և Մոսկվայի օդանավակայանները։ Ռուսաստանի Դաշնության մնացած օդանավակայաններն աշխատում են բնականոն հունով։
Նշվում է, որ օդանավակայանների և ավիաընկերությունների չվացուցակների բոլոր փոփոխությունները պետք է հստակեցվեն օդանավակայանների և ավիաընկերությունների պաշտոնական կայքերում։
Բաժանորդագրվեք մեր ալիքին Telegram-ում
Loading ...