Իռլանդիայի տվյալների պաշտպանության հանձնաժողովը տուգանել է Instagram-ին 405 միլիոն եվրոյով՝ տվյալների պաշտպանության ընդհանուր կանոնակարգը խախտելու համար։
Տուգանքի պատճառ է դարձել անչափահասների անձնական տվյալների մշակման մեջ ԵՄ տվյալների պաշտպանության օրենքի (GDPR) խախտումը, որը մատնանշվել են 2020 թվականին սկսված հետաքննության արդյունքում։ Instagram-ը թույլ է տվել 13-ից 17 տարեկան երեխաներին ստեղծել բիզնես հաշիվներ, ինչը նրանց կոնտակտային տվյալները լռելյայն հանրային է դարձրել: Նաև սոցցանցը մեղադրվում է դեռահասների անձնական տվյալների բացահայտման այլ դրվագների մեջ, հայտնում է Reuters-ը։
Meta-ի ներկայացուցիչը հայտնել է, որ Instagram-ն իր կարգավորումները թարմացրել է ավելի քան մեկ տարի առաջ և այդ ժամանակից ի վեր նոր գործառույթներ է թողարկել դեռահասների անվտանգությունն ու նրանց տեղեկատվության գաղտնիությունը ապահովելու համար:
- Գովազդ -
Ընկերությունը մտադիր է բողոքարկել Իռլանդիայի իշխանությունների որոշումը։
