Tesla ընկերության աշխատակիցները, որը պատկանում է միլիարդատեր Իլոն Մասկին, բողոքել են գրասենյակային կահույքի և էլեկտրոնային սարքավորումների դեֆիցիտից: Այս մասին հայտնում է CNBC հեռուստաալիքը։
Միաժամանակ, ամերիկացի գործարարն ինքը պահանջում է աշխատակազի ներկայությունը գրասենյակներում շաբաթական առնվազն 40 ժամ, ասվում է նյութում։
«Tesla-ն չունի տարածք և ռեսուրսներ բոլոր գրասենյակային աշխատողներին տեղավորելու համար, չկան բավարար աթոռներ, գրասեղաններ, կայանատեղիներ և այլ ռեսուրսներ», — ասել են աշխատողները՝ հավելելով, որ հաճախ բացակայում են նույնիսկ այնպիսի պարզ բաներ, ինչպիսիք են համակարգիչների ադապտորները և լիցքավորման մալուխները:
Ղեկավարությունն իր հերթին վերահսկում է տեղում աշխատակիցների ներկայությունը և Իլոն Մասկի համար հաշվետվություններ պատրաստում նրանց բացակայության մասին։ Ընկերությունում հեռավար աշխատանք հնարավոր չէ։
Ավելի վաղ հայտնի էր դարձել, որ ԱՄՆ Կալիֆորնիա նահանգի դատարանը չի մերժել Tesla-ի դեմ ներկայացված հայցը՝ իր գործարանում ենթադրյալ ռասիզմի մասին։