Իլոն Մասկը ծրագրում է X-ի նոր օգտատերերից գումար գանձել՝ սոցցանցում հրապարակումներ թույլ տալու համար,– գրում է Techcrunch.com-ը։
Մասկն ասել է, որ նոր հաշիվներից փոքր վճար գանձելը «բոտերի հարձակումը» կանխելու միակ միջոցն է՝ նկատի ունենալով CAPTCHA-ի նման գործիքները:
Մեկ այլ օգտատիրոջը պատասխանելիս Մասկն ասել է, որ նոր օգտատերերը կկարողանան հաղորդագրություններ հրապարակել օգահաշիվը բացելուց երեք ամիս անց՝ առանց միջնորդավճար վճարելու:
Այս պահին մանրամասներ չկան այն մասին, թե երբ կկիրառվի այն և որքան պետք է վճարեն նոր օգտատերերը։
Նշվում է, որ անցյալ տարվա հոկտեմբերին X-ը սկսեց Նոր Զելանդիայի և Ֆիլիպինների նոր օգտատերերից տարեկան 1 դոլար գանձել: Բովանդակություն տեղադրելու, հավանելու, վերահրապարակելու, հաղորդագրություններին պատասխանելու և մեջբերելու համար նրանք ստիպված էին վճարել միջնորդավճար:
Այս ամսվա սկզբին էլ X-ը հայտնեց, որ հարթակը սկսում է սպամի հաշիվների զանգվածային մաքրում ՝ նախազգուշացնելով օգտատերերին, որ դա կարող է ազդել իրենց հետևորդների քանակի վրա:
Մինչ Մասկը խոսում էր արհեստական ինտելեկտի (AI-ի) բոտերի դեմ պայքարի մասին, անցյալ տարի X-ը թարմացրեց իր հարթակը՝ ներառելով այն կետը, որ հանրային գրառումները կարող են օգտագործվել արհեստական ինտելեկտը «վարժեցնելու» համար: 2023 թվականի հուլիսին, Մասկը հայտարարեց, որ իր ընկերությունը կօգտագործի հանրային գրառումները AI-ը մարզելու համար:
Այս ամսվա սկզբին AI-ն իր Grok chatbot-ը հասանելի դարձրեց X-ի պրեմիում օգտատերերի համար, ովքեր ամսական վճարում են 8 դոլար: Նախկինում chatbot-ը հասանելի էր այն օգտատերերին, ովքեր ամսական վճարում էին 16 դոլար պրեմիում+-ի համար:
Բաժանորդագրվեք մեր ալիքին Telegram-ում
