Amazon-ի հիմնադիր Ջեֆ Բեզոսը հայտնվել է «Bloomberg Billionaires Index»-ի առաջին հորիզոնականում` առաջ անցնելով Իլոն Մասկից,– գրում է РБК-ն՝ հղում անելով Bloomberg-ին։
Նա առաջ է անցել Tesla-ի, SpaceX և X (Twitter) սոցիալական ցանցի սեփականատեր Իլոն Մասկից, ով ութ ամիս շարունակ առաջին տեղն է զբաղեցրել:
- LVMH խմբի սեփականատեր Բեռնար Առնոն զբաղեցրել է երրորդ հորիզոնականը՝ 197 մլրդ դոլար կարողությամբ։
- Չորրորդ տեղում Meta-ի հիմնադիր Մարկ Ցուկերբերգն է՝ 179 մլրդ դոլար կարողությամբ։
- Ցուցակի հինգերորդ տեղը զբաղեցրել է Microsoft-ի հիմնադիր Բիլ Գեյթսը, որի կապիտալը գնահատվում է 150 մլրդ դոլար:
Աշխարհի ամենահարուստ մարդկանց տասնյակում են նաև Microsoft-ի նախկին գործադիր տնօրեն Սթիվ Բալմերը (143 մլրդ դոլար), Berkshire Hathaway-ի հիմնադիր Ուորեն Բաֆեթը (133 մլրդ դոլար), Oracle-ի համահիմնադիր Լարի Էլիսոնը (129 մլրդ դոլար), Google-ի համահիմնադիրներ Լարի Փեյջը (122 մլրդ դոլար) և Սերգեյ Բրինը (116 մլրդ դոլար):
Ջեֆ Բեզոսը մոլորակի ամենահարուստ մարդու տիտղոսը պահպանել է 2017-ից 2020 թվականներին։ 2021 թվականի հունվարին Մասկը առաջին անգամ գլխավորել է ցուցակը։ Սակայն Բեզոսին հաջողվեց նույն տարվա փետրվարին ընդամենը երկու օրում վերականգնել իր առաջատար դիրքը վարկանիշում։
Ջեֆ Բեզոսը վաճառել է Amazon-ի 2 միլիարդ դոլարի բաժնետոմս․ ի՞նչ է ծրագրել հայտնի միլիարդատերը
Բաժանորդագրվեք մեր ալիքին Telegram-ում
