Որքանո՞վ են աճել ՌԴ միջազգային պահուստները մեկ շաբաթվա ընթացքում

19 Օգոստոսի, 2022
1 Min Read
Որքանո՞վ են աճել ՌԴ միջազգային պահուստները մեկ շաբաթվա ընթացքում

Ռուսաստանի միջազգային պահուստները 2022 թվականի օգոստոսի 12-ի դրությամբ կազմել են 580,6 մլրդ դոլար ՝ մեկ շաբաթվա ընթացքում ավելանալով 1,01 %֊ով (կամ 5,8 մլրդ դոլարով), հաղորդում է Ռուսաստանի Բանկը:

2022 թվականի օգոստոսի 5-ի տվյալներով ՝ միջազգային պահուստների ծավալը կազմել է 574,8 մլրդ դոլար ։

Ավելի վաղ ՌԴ տնտեսական զարգացման նախարարությունն օրինագիծ էր նախապատրաստել ֆինանսական շուկայի ոլորտում հատուկ հակապատժամիջոցային կանոնների վերահսկողության մասին:

Նշվում է, որ գերատեսչությունն առաջարկում է գաղտնի դարձնել ռուսական ոսկու և արտարժույթի պահուստների մասին տեղեկությունները, կորպորատիվ հատվածի համար մեղմացնել արժեթղթերի թողարկումն ու սպասարկումը, ինչպես նաև թույլ չտալ եվրաբոնդերի գծով Կրոս-դեֆոլտ հայտարարել:

Պարբերականի տվյալներով ՝ համապատասխան ուղղումներն առաջարկվում է մտցնել պետական գաղտնիքի մասին օրենքում ՝ այնտեղ ներառելով Ռուսաստանի Կենտրոնական բանկի ոսկու և արտարժույթի պահուստների մասին կետը: Գերատեսչությունում վստահ են, որ դա կօգնի նվազեցնել պատժամիջոցների ռիսկերը ։

2022 թվականի մարտին Կենտրոնական բանկն արդեն հրաժարվել էր հրապարակել ոսկու և արժութային պահուստների կառուցվածքի մասին տեղեկատվություն։ РБК-ի հետ զրույցում մասնագետները նշել են, որ պահուստների մասին տեղեկատվության գաղտնիությունը չի ազդի ֆինանսական վերլուծաբանների աշխատանքի վրա:

Կիսվեք այս հոդվածով
6 Comments