ԱՄՆ-ում դատարանը մասնակի բավարարել է ամերիկացի օլիգարխ Իլոն Մասկի պահանջը՝ Twitter-ի աշխատակիցներից սոցցանցի աշխատանքի վերաբերյալ տվյալներ փոխանցելու վերաբերյալ։ Այս մասին հայտնում է Business Insider պորտալը՝ վկայակոչելով իրազեկ աղբյուրներին։
Հաղորդվում է, որ Մասկը գաղտնի միջնորդությունը դատարան է ներկայացրել մեկ շաբաթ առաջ: Արդեն օգոստոսի 15-ին դատավորը մասնակիորեն բավարարել է միջնորդությունը եւ սոցցանցի ղեկավարությանը պարտավորեցրել փոխանցել տվյալները, որոնք գտնվում էին սպառողական շուկայի հարցերով նախկին կառավարիչ Քեյվոն Բեյքփուրի վարույթում:
Ավելի վաղ Մասկը Twitter-ին մեղադրել էր խարդախության մեջ՝ իր հարթակում իրական ակտիվ օգտատերերի թիվը խեղաթյուրելու համար, ինչը Twitter-ը հերքել է: Ընկերությունը նրան մեղադրել է գնման պայմանագիրը խախտելու մեջ և ցանկանում է, որ դատարանը միլիարդատիրոջը պարտավորեցնի գործարքն ավարտին հասցնել մեկ բաժնետոմսի դիմաց՝ 54,20 դոլարով։
Twitter-ի բաժնետոմսերը օգոստոսի 15-ին աճել են 0,54%-ով և կազմել 44,5 դոլար մեկ բաժնետոմսի դիմաց, իսկ օգոստոսի 16-ին նախաշուկայական առևտրի ժամանակ դրանք վաճառվել են շուրջ 44,42 դոլարով (-0,18%):
Բաժանորդագրվեք մեր ալիքին Telegram-ում
Loading ...