Սաուդյան արքայազնը 500 մլն դոլար է ներդրել ռուսական ընկերություններում ռուս-ուկրաինական պատերազմից օրեր առաջ

15 Օգոստոսի, 2022
1 Min Read
Սաուդյան արքայազնը 500 մլն դոլար է ներդրել ռուսական ընկերություններում ռուս-ուկրաինական պատերազմից օրեր առաջ

Սաուդյան Արաբիայի արքայազն Ալ-Վալիդ բեն Թալալը Ուկրաինայում Ռուսաստանի ռազմական գործողության մեկնարկից երկու օր առաջ ավելի քան 500 մլն դոլար է ներդրել «Գազպրոմի», «Լուկօյլի» և «Ռոսնեֆտի» արժեթղթերում։

«Հատուկ ռազմական գործողության» մեկնարկը և պատժամիջոցները հանգեցրին ռուսական ակտիվների արժեքի կտրուկ անկմանը, հայտնում է Bloomberg-ը։

Փաստաթղթից հետևում է, որ 2022 թվականի փետրվարի 22-ին Kingdom Holding-ը «Գազպրոմից» և «Ռոսնեֆտից» գնել է դեպոզիտար անդորրագրեր, իսկ փետրվարի 22-ից մարտի 22-ը գնվել են «Լուկօյլի» անդորրագրերը։

Բորսայի փաստաթղթում նշված չէ, թե կոնկրետ որ բաժնետոմսերն են գնվել այս գումարով։ Kingdom Holding-ը չի պատասխանել Bloomberg-ի այն հարցին, թե արդյոք իրենց են դեռ պատկանում այդ բաժնետոմսերը։

Կիսվեք այս հոդվածով
2 Comments