Մեծ Բրիտանիայում թափ է հավաքում էլեկտրաէներգիայի սահմանային գնի բարձրացման դեմ շարժումը, որը կոչվում է «Մի վճարիր» (Don’t Pay)։ Տասնյակ հազարավոր մարդիկ լրջորեն ասում են, որ չեն պատրաստվում վճարել այդ հաշիվները, գրում է The Telegraph-ի բրիտանական հրատարակության սյունակագիր Մարկուս Պարեխը։
Utilita էներգետիկ ընկերության ղեկավար Դերեկ Լիկորիշը նախազգուշացրել է, որ էներգետիկ ընկերությունները չեն կարողանա օգնել սուբսիդավորել հաշիվների վճարումը, և կոչ է արել սահմանել «սոցիալական սակագին»: Նա զգուշացրել է, որ էլեկտրաէներգիայի վարձերը վճարելուց հրաժարվելը մարդկանց համար «բոլոր տեսակի խնդիրներ» կառաջացնի։ Ըստ կանխատեսումների՝ հունվարին էներգիայի գինը կհասնի 4,2 հազար ֆունտի։
Լիկորիշն այս մեկնաբանությունն արել է Մեծ Բրիտանիայում «Մի վճարիր» շարժման աջակցության մասշտաբային աճի ֆոնին։ Նրա նպատակն է ստիպել երկրի իշխանություններին հրաժարվել էներգակիրների գների բարձրացումից։
