Ի՞նչ վիճակում է Մարգարայի կամուրջը․ արդյո՞ք հնարավոր է բեռնափոխադրումներ իրականացնել. ներկայացնում է ՏԿԵ նախարարը

Մարգարայի կամուրջը բավականին լավ վիճակում է, պատրաստ է սպասարկելու։ Այս մասին այսօր Ազգային ժողովում լրագրողների հետ զրույցում հայտնել է ՏԿԵ նախարար Գնել Սանոսյանը։

«Կամուրջը նեղ է, և միակողմանի երթևեկության համար է։ Եթե երկու կողմից մեքենաներ հայտնվեն, պետք է հերթով անցնեն, որովհետև լայնությւոնն այնպիսին է, որ մեկ մեքենա կարող է անցնել, ուսումնասիրել ենք, պատրաստ է բեռներ կրելու, կամ ուղևորափոխադրման համար, ուսումնասիրել ենք, պատրաստ է»,- նշեց նախարարը։

Նրա խոսքով՝ եթե սահմանված ժամկետները մոտենան, կամուրջը պատրաստ է շահագործման։