Amazon-ը մտադիր է կրճատել ավելի քան 18 հազար աշխատակցի՝ նախկինում հայտարարված 10 հազարի փոխարեն

1 Min Read

Ամերիկյան Amazon առցանց ռիթեյլերը կկրճատի ավելի քան 18 հազար աշխատակցի՝ նախկինում հայտարարված 10 հազարի փոխարեն։ Այս մասին հայտարարել է ինտերնետ ընկերության գործադիր տնօրեն Էնդի Ջեսին՝ կազմակերպության կայքում տեղադրված մամուլի հաղորդագրության մեջ։

2022 թվականի նոյեմբերի կեսերին The New York Times թերթը հայտնել էր, որ Amazon-ը նախատեսում է մոտ ժամանակներս աշխատանքից ազատել մոտ 10 հազար մարդու։

Ինչպես պարզաբանել է Ջեսսին, այդ պահին որոշումը կայացվել է՝ ելնելով 2023 թվականի պլանավորումից՝ տնտեսության անկանխատեսելի իրադրության ֆոնին և վերջին երկու տարում մեծ թվով աշխատակիցների հավաքագրման հետ կապված։ Նրա խոսքով, ղեկավարությունը նախազգուշացրել է կրճատման տակ հայտնվող աշխատակիցների թվի հնարավոր ավելացման մասին։

Ռիթեյլերի գործադիր տնօրենը նշել է, որ մոտավորապես 18 հազար մարդ կազատվի վաճառքի և աշխատանքի ընդունման բաժիններից: Բացի այդ, Ջեսսի խոսքերով, ընկերության ղեկավարությունը կայացրել է նաև մի քանի հաստիքների վերացման «ծանր որոշումը»։

Ինչպես ավելի վաղ նշել էր The Wall Street Journal-ը, 2022 թվականի սեպտեմբերի դրությամբ Amazon-ում աշխատում էր 1,5 միլիոն մարդ, որոնց մեծ մասն աշխատում էր ընկերության պահեստներում։

Ավելի վաղ ամերիկյան Forbes ամսագիրը հայտնել էր, որ 2022 թվականին հինգ միլիարդատերեր ռեկորդային գումարներ են կորցրել։ Նրանցից մեկը Amazon-ի հիմնադիր Ջեֆ Բեզոսն է։ Amazon-ի բաժնետոմսերի արժեքի 50 % անկման պատճառով նա կորցրել է 85 մլրդ դոլար։

 

Share This Article
12 Comments