iPhone-ի վաճառքը նվազել է օգտագործման անհարմարության պատճառով

Անցած տարվա արդյունքների համաձայն՝ Ռուսաստանում iPhone սմարթֆոնների վաճառքը զգալիորեն նվազել է։

Mobile Research Group-ի առաջատար վերլուծաբան Էլդար Մուրթազինը կարծում է, որ պատճառը  դրանց օգտագործման հարմարավետության բացակայությունն ու օգտատերերի ապագա հարմարության վերաբերյալ անորոշությունն է։

Բջջային օպերատոր Megafon-ի տվյալներով՝ 2022 թվականին մանրածախ ցանցում iPhone-ի վաճառքը 2021 թվականի համեմատ նվազել է 22%-ով։ MTS-ն, իր հերթին, ևս հաստատել է Ռուսաստանում iPhone-ի վաճառքի անկումը տարեվերջին՝ 45%-ով։ Իսկ ըստ փորձագետների՝ Ռուսաստանում iPhone-ի վաճառքը նվազել է 3 անգամ։

«Այֆոններ չեն գնում, քանի որ այսօր Apple Pay-ից օգտվելու հնարավորություն չկա, App Store-ում մի շարք հավելվածներ չկան, այլ կերպ ասած՝ չկա հարմարավետ օգտագործման հնարավորության»,- ասել է Մուրթազինը։

Փորձագետի կարծիքով, եթե անցյալ փետրվարին iPhone-ը զբաղեցնում էր Ռուսաստանում սմարթֆոնների շուկայի 17%-ը, ապա այժմ՝ մոտ 5,5%:

Ըստ նրա՝ Ռուսաստանում 2022 թվականին ավելացել է Android-ների վաճառքը: