Եվրոպական հանձնաժողովի նախագահ Ուրսուլա ֆոն դեր Լեյենը զգուշացրել է, որ եթե ԱՄՆ-ի հետ ներմուծման մաքսատուրքերի վերաբերյալ բանակցությունները ձախողվեն, ԵՄ-ն կարող է լրացուցիչ հարկեր սահմանել ամերիկյան տեխնոլոգիական հսկաների, ինչպիսիք են Google-ը և Meta-ն, վրա։ Այս մասին հայտնել է Financial Times-ը։
Նոր հարկերը կարող են ազդել թվային գովազդից ստացված եկամուտների վրա, ինչը զգալի հարված կլինի խոշոր տեղեկատվական տեխնոլոգիաների ընկերությունների համար։ Ֆոն դեր Լեյենը նշել է, որ Բրյուսելը ձգտում է հավասարակշռված համաձայնության հասնել Վաշինգտոնի հետ, բայց միաժամանակ մշակում է միջոցառումների մի շարք առևտրային հակամարտության սրման դեպքում։
Նա նաև ընդգծեց, որ ԱՄՆ-ի կողմից սկսված «գլոբալ առևտրային պատերազմը» հիմնարար կերպով փոխում է համաշխարհային առևտրի լանդշաֆտը և դառնում է «շրջադարձային կետ ԱՄՆ-ի հետ հարաբերություններում»։
«Մենք չենք վերադառնա սովորական գործունեությանը», — ասել է Եվրահանձնաժողովի ղեկավարը։
Նրա խոսքով՝ մինչև ապրիլի 2-ը, երբ ԱՄՆ նախագահ Դոնալդ Թրամփը հայտարարեց նոր մաքսատուրքերի ներդրման մասին, Եվրահանձնաժողովը փորձել է բանակցություններ վարել, սակայն փոխըմբռնման չի հասել։ Կարճ ժամանակ անց ԵՄ-ն համաձայնության եկավ պատասխան միջոցառումների փաթեթի շուրջ։
Բաժանորդագրվեք մեր ալիքին Telegram-ում
