Գերմանիան միջոցներ է հատկացնում Ուկրաինային հասանելիություն ապահովելու ֆրանսիական Eutelsat ընկերության արբանյակային ինտերնետ ցանցին, որը դիտվում է որպես Իլոն Մասկի ստեղծած Starlink համակարգի այլընտրանք, հայտնում է Reuters-ը՝ հղում անելով Eutelsat-ի գլխավոր տնօրեն Եվա Բեռնեկեին։
Բեռնեկեն ձեռնպահ է մնացել կոնկրետ գումարների վերաբերյալ մեկնաբանություններից, սակայն նշել է, որ այս պահին Ուկրաինայում գործում են հազարից պակաս տերմինալներ, որոնք կապ են ապահովում Eutelsat ցանցին։
«Մոտ ապագայում մենք նախատեսում ենք նրանց թիվը հասցնել 5-10 հազարի»,- ասել է Բեռնեկեն՝ հավելելով, որ դա կարող է տեղի ունենալ մի քանի շաբաթվա ընթացքում։
Այն հարցին, թե արդյոք Գերմանիան կֆինանսավորի լրացուցիչ տերմինալներ, Eutelsat-ի խոսնակ Ջոաննա Դարլինգթոնն ասաց, որ նման բանակցությունները շարունակվում են:
Բեռլինը պաշտոնապես չի հաստատել Ուկրաինային արբանյակային ինտերնետով ապահովելու համար միջոցների հատկացումը։
Բաժանորդագրվեք մեր ալիքին Telegram-ում
