Գործազրկությունը տնտեսության «հիվանդություններից» է, որի բուժման համար ջանքեր են գործադրվում բազմաթիվ երկրներում. դա համամարդկային նշանակության խնդիր է, որը զգալի հարված է հասցնում միլիոնավոր մարդկանց։
Այս խնդրի լուծումը պահանջում է թվայնացման գործընթացներին համապատասխան ժամանակակից մոտեցումներ։
Աշխատանքի միջազգային կազմակերպության կանխատեսումների համաձայն` աշխարհում գործազրկության մակարդակը կկազմի 4․9%. փաստորեն, մնալու է 2024թ․ նույն մակարդակին։
2025թ․ կանխատեսումները բացահայտում են` որոնք են գործազրկության ամենաբարձր և ամենացածր մակարդակ ունեցող պետությունները․
Վիճակագրական տվյալները փաստում են, որ գործազրկության ամենաբարձր ցուցանիշով երկրների տասնյակում են հայտնվել Վրաստանը և Հայաստանը`զբաղեցրելով ցուցակի 3 և 4-րդ հորիզոնականները։
Կանխատեսումները վկայում են, որ Հայաստանում գործազրկությունը 2025թ․ կկազմի 13․5%, իսկ Վրաստանում՝ 14․5%։
Առաջին հորիզոնականում է Սուդանը՝ 55․7%, իսկ երկրորդ հորիզոնականում՝ Հրվ․ Աֆրիկան 33․9% ցուցանիշներով։ Ցուցակը ավարտում է Ալբանիան՝ սպասվող 10․7% գործազրկության մակարդակով։
Ո՞ր ոլորտներում են գրանցվել ամենացածր և ամենաբարձր աշխատավարձերը. ՏԵՍԱՆՅՈՒԹ
Կանխատեսումները առանձնացնում են նաև ամենացածր գործազրկությամբ երկրները։ Այս դեպքում ցուցակը գլխավորում է Թայլանդը, որտեղ գործազրկության մակարդակը կազմելու է ընդամենը 1%։
Երկրորդ հորիզոնականում է հայտնվել Անդորրան՝ 1․6%, իսկ երրորդում` Մակաոն՝ 1․8% ցուցանիշներով։
Երևանում կրճատված աշխատատեղերի թվաքանակն ավելացել է. Ինչ պատկեր է մայրաքաղաքում և մարզերում
Ամփոփելով` փաստենք, որ ավելին քան մտահոգիչ է այս պատկերը հատկապես այն պարագայում, երբ իշխանությունների պնդմամբ Հայաստանում վարվում է «չափազանց արդյունավետ» տնտեսական քաղաքականություն։
Բաժանորդագրվեք մեր ալիքին Telegram-ում
