Tesla-ն այս տարվա առաջին 9 ամիսների ընթացքում գրանցված մարտկոցներով մեքենաների քանակով Գերմանիայում առաջատարն է՝ գերազանցելով Volkswagen-ին մոտ 6000 ավտոմեքենայով:
Bloomberg-ի փոխանցմամբ, Tesla-ի էլեկտրական մեքենաների գրանցումները նախորդ տարվա հունվար-սեպտեմբերի համեմատ աճել են գրեթե 50 %-ով՝ հասնելով 38,500-ի, մինչդեռ Volkswagen-ի մեքենաների գրանցումները նվազել են 40 %-ով՝ մինչև 32,300 միավոր:
Համաշխարհային մասշտաբով Volkswagen խմբի մարտկոցներով մեքենաների ընդհանուր առաքումը նախորդ տարվա հունվար-սեպտեմբերի համեմատ, աճել է 25 %-ով։
Այնուամենայնիվ, մատակարարման շղթայի խցանումները հատկապես ծանր հարված են հասցրել VW-ին Եվրոպայում, որտեղ ինֆլացիան և էներգակիրների գների աճը նույնպես ազդում են պահանջարկի վրա:
Մինչ Tesla-ն ռեկորդային առաքումներ է իրականացնում ամբողջ աշխարհում, ընկերությունը նաև պայքարում է լոգիստիկ մարտահրավերների դեմ և առաքում է ավելի քիչ, քան վերլուծաբանները սպասում էին երրորդ եռամսյակում:
Բաժանորդագրվեք մեր ալիքին Telegram-ում
