Եվրասիական տնտեսական միության մաս կազմող Հայաստանը գնաճի ամենացածր ցուցանիշն է արձանագրել:
ԵԱՏՄ պայմանագրի 63-րդ հոդվածում ասվում է, որ տարեկան գնաճը պետք է լինի 5%-ից ոչ ավելի, քան գների ամենադանդաղ աճ ունեցող անդամ երկրում։ Անցած ամառվանից Միությունում ամենացածր գնաճը նկատվում է Հայաստանում, հայտնում է ԵՏՀ մամուլի ծառայությունը։
2023 թվականի հունիսից այնտեղ մի քանի անգամ գնանկում է գրանցվել, այսինքն՝ միջինում գները չեն բարձրացել, այլ նվազել են։
Այս տարվա հոկտեմբերի արդյունքներով Հայաստանում գնաճը կազմում է 0,6%։
Միաժամանակ Ղրղզստանում` 4,8%, Բելառուսում` 5,9%, Ղազախստանում և Ռուսաստանում` 8,5-ական%: Այսինքն՝ առայժմ միայն Ղրղզստանն է կատարել 63-րդ հոդվածի պահանջը։
Միևնույն ժամանակ, հունիսի արդյունքներով Հայաստանն ունի պետական պարտքի ամենաբարձր մակարդակը՝ ՀՆԱ-ի 46,8%-ը։ 63-րդ հոդվածում նշվում է, որ առավելագույնը այն պետք է լինի 50 տոկոս: Համեմատության համար՝ Ղրղզստանում՝ 43% է, Ղազախստանում՝ 22,7%, Ռուսաստանում՝ 13,2%։ 2022 թվականից Բելառուսի համար մոնիտորինգի տվյալներ չկան։
Նախկինում հաղորդվում էր, որ Բելառուսում հոկտեմբերին տարեկան գնաճը կազմել է 5,9%։ Ամենաշատը աճել են պարենային ապրանքների գները՝ 7,2 տոկոս։ Ըստ իշխանությունների պլանների, սպառողական գների ընդհանուր ինդեքսը տարեվերջին չպետք է գերազանցի 6%-ը։
Բաժանորդագրվեք մեր ալիքին Telegram-ում
