Դոնալդ Թրամփն ԱՄՆ նախագահի ընտրությունում իր հաղթանակի մասին հայտարարել է Ֆլորիդայի Փալմ Բիչում իր կողմնակիցների առաջ ելույթի ժամանակ։
«Շնորհակալություն ամերիկացիներին իրենց ձայների համար: Եկեք Ամերիկան կրկին հզոր դարձնենք»,- ասել է նա։
Նախագահական մրցավազքում իր արդյունքը Թրամփը անվանել է «քաղաքական հաղթանակ, ինչպիսին չի եղել ԱՄՆ պատմության մեջ: Նա խոստացել է, որ իր կառավարման ժամանակաշրջանը կլինի «իսկապես ոսկե դարաշրջան» ԱՄՆ պատմության մեջ:
Թրամփը նաև խոստացել է վերջ տալ պատերազմներին:
«Այլևս ոչ մի պատերազմ, իմ պաշտոնավարման ընթացքում ես պատրաստվում եմ դադարեցնել պատերազմները»:
Թրամփը համոզված է, որ ստանալու է 315 ընտրիչի ձայն:
