Վաշինգտոնը տնտեսական պատժամիջոցներ է սահմանել հնդկական ընկերության դեմ, որը գնել է իրանական նավթը և վաճառել այն Չինաստանին։ Հայտնում է ТАСС-ը։
Դա տեղի է ունեցել Հնդկաստանի արտաքին գործերի նախարար Սուբրամանիամ Ջայշանկարի՝ ԱՄՆ կատարած այցից մի քանի օր անց։ Tibalaji Petrochem Pvt Ltd մասնավոր ընկերությունը, որը հիմնված է Մումբայում և մասնագիտացած է նավթամթերքների վաճառքում, պատժամիջոցների է ենթարկվել։
Ըստ ԱՄՆ-ի առևտրի նախարարության՝ այն միլիոնավոր դոլարների նավթաքիմիական արտադրանք է գնել Իրանից և վերավաճառել Չինաստանին։
Առևտրի նախարարության հայտարարության մեջ ասվում է, որ Tibalaji Petrochem Pvt Ltd-ն գնել է իրանական նավթաքիմիական արտադրանք, այդ թվում՝ մեթանոլ և արդյունաբերական նավթ՝ հետագայում Չինաստան առաքելու համար: Այս գործողություններն իրականացվել են Triliance Petrochemical Cj LTD-ի միջոցով, որը նախկինում գտնվում էր ԱՄՆ պատժամիջոցների տակ:
Հնդկաստանի կառավարությունը դեռ չի արձագանքել այս պատժամիջոցներին։ Սակայն ըստ տեղական աղբյուրների՝ ամերիկյան կողմի գործողությունները «մտահոգություն են առաջացնում», քանի որ դրանք ձեռնարկվել են Հնդկաստանի արտգործնախարարի ԱՄՆ կատարած այցից անմիջապես հետո։
Բաժանորդագրվեք մեր ալիքին Telegram-ում
