Անգլիան կարող է կորցնել Եվրոպայի խոշորագույն ֆոնդային շուկայի կարգավիճակը

3 Հոկտեմբերի, 2022
1 Min Read
Անգլիան կարող է կորցնել Եվրոպայի խոշորագույն ֆոնդային շուկայի կարգավիճակը
Բրիտանական ակտիվների նկատմամբ վստահության ճգնաժամն այնքան խորն է, որ երկիրը կարող է կորցնել Եվրոպայի խոշորագույն ֆոնդային շուկայի կարգավիճակը։ Այս մասին հայտնում է Bloomberg-ը։
Այս տարի Լոնդոնի բաժնետոմսերի անկումը հանգեցրել է այն բանին, որ Մեծ Բրիտանիայում առաջնային ցուցակով ընկերությունների ընդհանուր շուկայական կապիտալիզացիան կրճատվել է մինչև մրցակցի՝ Փարիզի մակարդակը: Bloomberg-ի ցուցանիշի համաձայն՝ Լոնդոնի և Փարիզի միջև տարբերությունն այժմ կազմում է ընդամենը 156 միլիարդ դոլար, ինչը մոտ է ռեկորդային ամենացածր մակարդակին:
Մեծ Բրիտանիայի և Ֆրանսիայի շուկաների միջև տարբերությունն աստիճանաբար սկսեց նվազել այն բանից հետո, երբ բրիտանացիները 2016 թվականին քվեարկեցին Եվրամիությունից դուրս գալու օգտին: Իսկ շուկայական աննախադեպ իրարանցումը, որն առաջացել է անցյալ շաբաթվա հարկերի կրճատումներով պայմանավորված, վճռական հարված է հասցրել: Սա խաթարել է տնտեսական վստահությունը և ֆունտը հասցրել պատմական նվազագույնի, ասում են վերլուծաբանները:
Կիսվեք այս հոդվածով
1077 Comments