«Հյուսիսային հոսք» և «Հյուսիսային հոսք 2» գազատարների ավերածությունների պատճառ դարձած «դիվերսիան» կարող է հանգեցնել էսկալացիայի կամ նույնիսկ պատերազմի։ Գրում է ТАСС-ը։
Չորեքշաբթի նման հայտարարություն է արել ԱՄՆ նախկին նախագահ Դոնալդ Թրամփը։ Քաղաքական գործիչն իր Truth Social սոցիալական ցանցում նշել է, որ բոլորը խոսում են մեծ փոթորիկի մասին, որը հարվածել է Ֆլորիդային, սակայն գազատարների հետ կապված իրավիճակը ավելի շատ հետևանքներ կունենա։
Ըստ նրա՝ երկարաժամկետ հեռանկարում շատ ավելի կարևոր իրադարձություն է հայտարարությունը, որ վերաբերում է «Հյուսիսային հոսք» և «Հյուսիսային հոսք 2» խողովակաշարերին։
Նա հիշեցրել է, որ իր նախագահության շրջանում խոսել է դրանց սպասվելիք կործանարար ազդեցության մասին՝ ողջ աշխարհի ուշադրությունը հրավիրելով դրանց վրա։
« Բոլորն այն ժամանակ ծիծաղում էին, բայց հիմա նրանք այլևս չեն ծիծաղում։ Դիվերսիա է իրականացվել։ Դա կարող է հանգեցնել մեծ էսկալացիայի կամ պատերազմի», – ասել է Թրամփը։
Բաժանորդագրվեք մեր ալիքին Telegram-ում
