Ամերիկյան Boeing ընկերությունը կվճարի 200 մլն դոլարի տուգանք՝ կապված Boeing 737 MAX ինքնաթիռի անվտանգության մասին ներդրողներին մոլորեցնելու մեղադրանքների հետ, ևս 1 մլն դոլար կվճարի նախկին գործադիր տնօրեն Դենիս Մելենբերգը։ Գրում է ТАСС-ը։
SEC-ը Boeing-ին և Mehlenberg-ին մեղադրում է անզգուշությամբ դաշնային արժեթղթերի մասին օրենքների խարդախության դեմ պայքարի դրույթները խախտելու հարցում։
Boeing-ը և Mehlenberg-ը ոչ ընդունել, ոչ էլ հերքել են այս ամենը։ Սակայն, համաձայնության են եկել վճարել գումարները, որոնք համապատասխանաբար ներառում են 200 միլիոն և 1 միլիոն դոլար:
Նշվում է նաև, որ ներդրողների շահերից ելնելով կստեղծվի հատուկ հիմնադրամ։
Հայտարարության համաձայն՝ ընկերությունը և նրա գործադիր տնօրենը, Boeing 737 MAX 8-ի երկու վթարիներից հետո վստահեցրել են, որ ինքնաթիռը «նույնքան անվտանգ է, որքան ցանկացած այլ ինքնաթիռ, որը երբևէ թռչել է երկնքում»։
Հիշեցնենք, որ 2018 թ․-ի հոկտեմբերի 29-ին Lion Air Boeing 737 MAX 8 ինքնաթիռը վթարի էր ենթարկվել Ինդոնեզիայում, ինչի հետևանքով զոհվել էր 189 մարդ։ 2019 թվականի մարտի 10-ին Եթովպիայում Ethiopian Airlines-ի նույն մոդելի ինքնաթիռի վթարի զոհ էր դարձել 157 մարդ։
Այնուհետև Boeing-ի ղեկավարությունը խոստովանել է, որ երկու դեպքում էլ ինքնաթիռի MCAS համակարգում անսարքություն է եղել՝ նախքան դրանց կործանումը: Դրանից հետո շատ երկրներ, այդ թվում՝ Ռուսաստանը, ԱՄՆ-ը և ԵՄ որոշ պետություններ, անվտանգության նկատառումներից ելնելով, դադարեցրել են այս շարքի ինքնաթիռների շահագործումը։
Բաժանորդագրվեք մեր ալիքին Telegram-ում
Loading ...