ԱՄՆ-ում շարունակվում է նախընտրական պայքարը նախագահի երկու թեկնածուների միջև։ «Երիտասարդ» Հարիսը, որն ունի բավականին լուրջ իրավաբանական աշխատանքային փորձ, առաջ է քաշում իր թեզերը՝ կիսելով Բայդենի վարած քաղաքականության համար պատասխանատվությունը։ Երկրորդ թեկնածուն ԱՄՆ նախկին նախագահ Թրամփն է, ով հայտնի է իր կտրուկ ու ռիսկային գործողություններով։
Թրամփի քաղաքականությունը կարող է որոշակի ազդեցություն ունենալ աշխարհի տարբեր երկրների վրա հատկապես հետևյալ երեք հիմնական ոլորտներում՝ անվտանգություն, առևտուր և միգրացիա։
Ազդեցության այս չափը գնահատելու համար ստեղծվել է Թրամփի համաթիվը /Trump index/։
Հիշեցնենք, որ Թրամփի քաղաքականության ազդեցության համաթիվը տատանվում է 0-100 բալ միջակայքում։ Որքան երկրի փաստացի ցուցանիշը մոտ է 100 բալին, այնքան երկրի վրա մեծ է Թրամփի միգրացիոն քաղաքականության ազդեցությունը։
Այս առումով The Economist -ի հաշվարկների արդյունքում առանձնացրել են հետևյալ երկրները․
Հաշվարկները ցույց են տալիս, որ 100 բալ մակարդակ է արձանագրվել Սալվադորի մասով, որը մեծապես կախված է ԱՄՆ-ից ստացվող տրանսֆերտներից։
Երկրորդ տեղում է Դոմինիկյան Հանրապետությունը՝ 91․4 բալով։
Երրորդ ամենախոցելի երկիրը Հոնդուրասն է 72․4 բալ արդյունքով։
Նկատենք, որ Թրամփը շատ հաճախ քննադատում է ԱՄՆ ներկայիս միգրացիոն համակարգը։ Կոչ է անում միգրանտների ընտրության համակարգը խստացնել՝ նվազեցնելու համար ԱՄՆ-ում հանցավորության մակարդակը, որը, ըստ Թրամփի, ուղղակիորեն կապվում է ԱՄՆ-ում առկա միգրացիոն քաղաքականության թերությունների հետ։
Բաժանորդագրվեք մեր ալիքին Telegram-ում
