ԱՄՆ էներգետիկայի նախարարության երկուշաբթի օրը տարածած հաղորդագրության մեջ ասվում է, որ ԱՄՆ իշխանությունները վաճառքի են հանում ևս 10 միլիոն բարել նավթ իրենց ռազմավարական պաշարից՝ նախագահ Ջո Բայդենի հայտարարած ծրագրի շրջանակներում։ Վեց ամսվա ընթացքում ազգային պաշարներից օրական 1 միլիոն բարել նավթ բաց կթողնվի։ Տեղեկացնում է ТАСС-ը։
Հիշեցնենք, որ նախագահ Բայդենը մարտի 31-ին հայտարարել էր, որ ԱՄՆ-ն վեց ամիս շարունակ իր ռազմավարական ազգային պաշարից օրական 1 մլն բարել նավթ է բաց թողնելու՝ երկրում բենզինի գները նվազեցնելու համար։
Միաժամանակ, ԱՄՆ էներգետիկայի նախարարությունն նավթի վաճառքից ստացված հասույթը կօգտագործի էներգիա գնելու և հետագա տարիներին այն համալրելու համար։
Նախատեսվում էր, որ մինչև հոկտեմբերի վերջ կթողարկվի 180 մլն բարել նավթ, սակայն մինչ այժմ իշխանությունները ազգային պաշարներից շուկա են ուղարկել միայն 155 մլն բարել։ Եվս 10 մլն բարել ընկերություններին կմատակարարվի նոյեմբերին։
Բաժանորդագրվեք մեր ալիքին Telegram-ում
