Ադամ Շիֆը ներկայացրել է Արցախի անկախությունը ճանաչող բանաձև

25 Ապրիլի, 2023
1 Min Read
Ադամ Շիֆը ներկայացրել է Արցախի անկախությունը ճանաչող բանաձև

ԱՄՆ Կոնգրեսի Հայկական հարցերով խմբի փոխնախագահ Ադամ Շիֆը Ներկայացուցիչների պալատ է ներկայացրել օրինագիծ, որով կոչ է արվում ճանաչել Արցախի անկախությունը և դատապարտել Ադրբեջանի շարունակվող ագրեսիան Հայաստանի և Արցախի դեմ:

ՄԱԿ-ի քաղաքացիական և քաղաքական իրավունքների մասին միջազգային դաշնագրի՝ բոլոր ժողովուրդներն ունեն ինքնորոշման իրավունք։ Այդ իրավունքի ուժով նրանք ազատորեն սահմանում են իրենց քաղաքական կարգավիճակը և ազատորեն ապահովում իրենց տնտեսական, սոցիալական և մշակութային զարգացումը:

Ներկայացված բանաձևը՝

  • ճանաչում է Արցախի Հանրապետության անկախությունը՝ համահունչ ՄԱԿ-ի տարբեր փաստաթղթերում ամրագրված ինքնորոշման իրավունքին և Արցախի ժողովրդի 1991 թվականի քվեարկությանը և Ադրբեջանից անկախությունը հռչակելու որոշմանը:
  • Կոչ է անում Միացյալ Նահանգներին ակտիվորեն ներգրավվել Արցախի Հանրապետության կարգավիճակի միջազգային ճանաչմանն աջակցելու գործում:
  • Դատապարտում է Լաչինի միջանցքի շարունակվող շրջափակումը և ադրբեջանական ուժերի կողմից Հայաստանի և Լեռնային Ղարաբաղի վրա հարձակումները և կոչ է անում Ադրբեջանին անհապաղ դադարեցնել շրջափակումն ու ագրեսիան Հայաստանի և Արցախի դեմ՝ առանց նախապայմանների:
  • Կոչ է անում անհապաղ դադարեցնել Միացյալ Նահանգների արտաքին և ռազմական օգնությունն Ադրբեջանին՝ համաձայն Ազատության աջակցության ակտի 907-րդ հոդվածի, և հորդորում վարչակազմին պարզաբանել Ադրբեջանի կառավարությանը, որ Հայաստանի և Արցախի վրա հետագա հարձակումները կհանգեցնեն պատժամիջոցների և այլ միջոցների։

TAGGED:
Կիսվեք այս հոդվածով
Թողնել մեկնաբանություն