Բորելը հայտարարել է ռուսական գազից կախվածության նկատմամբ Եվրոպայի հաղթանակի մասին

16 Սեպտեմբերի, 2022
1 Min Read
Բորելը հայտարարել է ռուսական գազից կախվածության նկատմամբ Եվրոպայի հաղթանակի մասին

Եվրոպական դիվանագիտության ղեկավար Ժոզեպ Բորելը հայտարարել է, որ ԵՄ-ին հաջողվել է հաղթանակի հասնել ռուսական գազից լուրջ կախվածության դեմ պայքարում: Նա նշել է, որ իր մասնաբաժինը ներմուծման մեջ ընկել է աննշան մակարդակի։ Հայտնում է MK.RU-ն։

EFE լրատվական գործակալությանը տված հարցազրույցում նա նշել է, որ Ուկրաինայում հատուկ գործողության մեկնարկից առաջ Ռուսաստանին բաժին է ընկել արտերկրից կապույտ վառելիքի մատակարարումների 40 %-ը, իսկ այժմ՝ 10 %-ից պակասը։ Բորելի խոսքով՝ ինքը շատ գոհ է, որ «վերջապես որոշում է կայացվել բարեփոխել էլեկտրաէներգիայի համակարգը, որպեսզի գազի գինը ինչ-որ պահի չորոշի ամբողջ էլեկտրաէներգիայի գինը»։

Ավելի վաղ էներգետիկայի հարցերով եվրահանձնակատար Քադրի Սիմսոնը հայտարարել էր, որ ԵՄ երկրները կկարողանան հաղթել Ռուսաստանին «էներգետիկ պատերազմում»։

Մյուս կողմից, Սերբիայի նախագահ Ալեքսանդր Վուչիչը հայտնել է, որ իր երկրին, ինչպես եւ ողջ Եվրոպային, Երկրորդ համաշխարհային պատերազմից հետո ամենածանր ձմեռն է սպասում: Մինչ այդ Սերբիայի առաջնորդն արդեն կանխատեսել էր, որ Եվրամիությունը մեծ խնդիրների կբախվի էներգետիկ ճգնաժամի պատճառով։

Կիսվեք այս հոդվածով
7 Comments