Ամենապահանջված ռազմական ԱԹՍ-ների արժեքները

3 Min Read

ԱԹՍ-ները փոխել են ժամանակակից ռազմական հակամարտությունների դեմքը: Աշխարհի շատ երկրներ անընդհատ աճող գումարներ են ներդնում նման սարքավորումների ձեռքբերման համար:

ԱԹՍ-ները լինում են տարբեր ձևերի և չափերի, ինչով էլ հաճախ պայմանավորվում է նրանց արժեքը։ Գնի վրա մեծ ազդեցություն են ունենում նաև դրանց տեխնոլոգիական հնարավորություններն ու արտադրության զարգացման փուլում ծախսված գումարը։ Ընդհանուր առմամբ՝ ամենաէժան ռազմական անօդաչու թռչող սարքերն արժեն տասնյակ հազարավոր դոլարներ: 

Ձեզ ենք ներկայացնում ամենահայտնի ԱԹՍ-ների գները՝ ըստ The gun zone-ի ցուցակի։

PD-100 Black Hornet

Այն ամենատարածված նանո-դրոններից է՝ պատրաստված FLIR Systems-ի կողմից: Օգտագործում են ԱՄՆ-ի, Ֆրանսիայի, Գերմանիայի, Ավստրալիայի և Միացյալ Թագավորության զինված ուժերը:

ԱԹՍ-ն ունի 10 սմ երկարություն, 12 սմ ռոտորի բացվածք և կշռում է ընդամենը 20 գրամ: 1000 մ առավելագույն հեռահարությամբ և մինչև 25 րոպե թռիչքի ժամանակով՝ այն իդեալական է կառուցապատված տարածքներ լրտեսելու համար:

PD-100-ի սկզբնական մոդելն արժեցել է մոտ 195,000 դոլար՝ մեկ անօդաչու սարքի համար։

RG-11 Raven B

ԱՄՆ բանակում և պաշտպանական այլ ուժերում ամենից հաճախ օգտագործվող փոքր մարտավարական ԱԹՍ-ներից մեկը RQ-11 Raven B-ն է, որը արտադրվել է ամերիկյան AeroVironment ընկերության կողմից: Այն ունի 1,4 մ թևերի բացվածք և 2 կգ-ից քիչ քաշ:

Գործարկվում է ձեռքով և կարող է օդում մնալ 90 րոպե, առավելագույն հեռահարությունը 10 կմ է, բարձրությանը՝  4500 մ

Raven-ի արժեքը մոտավորապես 35,000 դոլար է: Իսկ եթե հաշվենք նաև վերգետնյա կառավարման միավորը՝ գինը կբարձրանա մինչև 250,000 դոլար:

Fulmar Mini UAV

Այս ԱԹՍ-ն ունի 3 մ թևերի բացվածք, իսկ քաշը՝ 20 կգ է։ Նրա ինֆրակարմիր և էլեկտրաօպտիկական տեսախցիկները համալրված են նաև քիմիական, կենսաբանական, ճառագայթային և միջուկային սենսորներով:

Այն կարող է թռչել մինչև 4000 մ բարձրության վրա և կարող է տեսանյութ փոխանցել մինչև 90 կմ հեռավորության վրա: Թռիչքի արագությունը 100 կմ/ժ է, առավելագույն տևողությունը՝ 12 ժամ: Համակարգի ընդհանուր արժեքը՝ ներառյալ գործարկման համակարգը, հասնում է մոտավորապես 350,000 դոլարի:

Boeing RQ-21 Blackjack

Սարքն ունի 2,5 մ երկարություն, թևերի բացվածքը 5 մ է և կարող է օդում մնալ մինչև 16 ժամ: Զարգացնում է մինչ 100 կմ/ժ արագություն և ունի 100 կմ հեռահարություն: Ունենալով 61 կգ քաշ՝ կարող է կրել մինչև 17 կգ կշռող  սարքավորումներ:

Բազմաթիվ տեսախցիկները լրացվում են լազերային ցուցիչով՝ ցամաքային թիրախները նշելու համար: RQ-21 Blackjack-ը նախորդներից զգալիորեն ավելի թանկ է՝ 5,3 միլիոն դոլար մեկ միավորի համար:

MQ-9 Reaper 

Պատրաստված լինելով General Atomics Aeronautical Systems-ի կողմից՝ համարվում է ԱՄՆ ռազմաօդային ուժերի հիմնական անօդաչու թռչող սարք հարձակողական մարտերի համար: Օգտագործվում է նաև բազմաթիվ այլ երկրների զինված ուժերում։

Կարող է թռչել մինչև 50000 ֆուտ բարձրության վրա՝ 200 մղոն/ժ արագությամբ: Այն կարող է օդում մնալ մինչև 30 ժամ։

Reaper-ն արժե մոտ 30,2 մլն դոլար՝ մեկ միավորի համար՝ ներառյալլ կառավարման ծախսերը: Այս գինը, սակայն, չի ներառում ողջ թանկարժեք զինամթերքը, որ զետեղվում է ԱԹՍ-ի վրա։

Share This Article
816 Comments