ԱՄՆ-ը պատժամիջոցներ է կիրառել Ռուսաստանի հետ համագործակցող իրանական ԱԹՍ արտադրողների նկատմամբ

ԱՄՆ-ն իրանական մի շարք ընկերությունների մեղադրել է ՌԴ բանակի համար անօդաչու սարքեր արտադրելու և մատակարարելու մեջ:

Իրանը Ռուսաստանի սակավաթիվ դաշնակիցներից է Ուկրաինայի դեմ պատերազմում, սակայն Թեհրանի օգնությունը Մոսկվային աննկատ չի մնացել Արևմուտքի կողմից: Միացյալ Նահանգները պատժամիջոցներ է կիրառել անօդաչու թռչող սարքերի տեղական արտադրողների և փոխադրողների դեմ՝ մեղադրելով նրանց ագրեսոր երկրին անօդաչու թռչող սարքեր մատակարարելու մեջ։ Այդ մասին գրում է Reuters-ը։

Գործակալության տեղեկություններով ՝ պատժամիջոցների ցուցակում են հայտնվել Safiran Airport Services, Paravar Pars Company, Design and Manufacturing of Aircraft Engines և Baharestan Kish Company ընկերությունները: Առաջինը մեղադրվում է Ռուսաստան անօդաչու թռչող սարքեր առաքելու մեջ, մյուսները ՝ Կրեմլի համար անօդաչու սարքերի գնումների տարբեր փուլերում հետազոտությունների, թեստավորման, արտադրության և գնումների ձևակերպման մեջ:

Բացի ընկերություններից, սահմանափակումներ են մտցվել նաև նրանց մենեջերների նկատմամբ, որոնք անմիջականորեն պատասխանատու են վերոնշյալ գործառնությունների համար։

Իրանի իշխանությունները հերքել են ԱՄՆ-ի մեղադրանքները և հայտարարել, որ Թեհրանը «դեմ է Ուկրաինայում հակամարտության հետագա սրմանը»։