2016-ին The Walt Disney ընկերության նախկին նախագահ և գործադիր տնօրեն Ռոբերտ Այգերը որոշել էր, որ իր ընկերությունը պետք է գնի Twitter-ը, քանի որ դա հիանալի միջոց կլինի Disney-ի բովանդակությունն ամբողջ աշխարհում տարածելու համար: Սակայն 2016 թվականի ԱՄՆ նախագահական ընտրություններից առաջ նա մտափոխվել էր։ 2019 թվականի իր հուշերում Այգերը գրել է, որ Disney-ը և Twitter-ն արդեն համաձայնության եկել էին գործարքի հարցում, բայց հետո նա փոխել էր իր կարծիքը Twitter-ում «ատելության» տարածման պատճառով: Հայտնում է New York Post-ը։
«Disney-ում մենք զբաղվում ենք զվարճանքի ստեղծմամբ՝ միայն լավ բան անելով, չնայած այսօր կան մարդիկ, ովքեր քննադատում են ընկերությանը հակառակի համար, ինչը սխալ է: Մենք պատրաստ չէինք պատասխանատվություն ստանձնել Twitter-ի բացասականության համար, և ես պատրաստ չէի ստանձնել ընկերության գործադիր տնօրենի պաշտոնը և կարծում էի, որ դա անպատասխանատու կլիներ»,-ասել էր Ռոբերտ Այգերը:
Ի դեպ, վերջերս Այգերը Code կոնֆերանսում ներկայացրել էր պատմության ավելի երկար տարբերակը, հայտնում է Vox-ը։ Նրա խոսքով՝ Twitter-ը Disney-ի բովանդակության տարածման համար «ֆենոմենալ» հարթակ կլիներ, բայց դա չափից շատ գլխացավանք կառաջացներ՝ մեծ թվով բոտերի պատճառով:
Բաժանորդագրվեք մեր ալիքին Telegram-ում
