![](https://banksnews.am/wp-content/uploads/2024/05/converse-970x250-c360.webp)
Հունիսի 11-ին՝ ժամը 15։01-ին, Վայոց ձորի մարզային փրկարարական վարչության ճգնաժամային կառավարման կենտրոն ահազանգ է ստացվել, որ Երևան-Մեղրի (Մ-2) ավտոճանապարհից դեպի Գնդեվանք տանող ճանապարհին տեղի է ունեցել փլուզում․ անհրաժեշտ է օգնություն:
![](https://banksnews.am/wp-content/uploads/2024/06/448204556_429937343335707_8038722555339868948_n.jpg)
Դեպքի վայր է մեկնել ՆԳՆ ՓԾ մարզային փրկարարական վարչության հրշեջ-փրկարարական ջոկատի օպերատիվ խումբը։
Պարզվել է, որ Հ-43 ավտոճանապարհի 11-րդ կմ-ին (Մ-2 ավտոճանապարհից դեպի Ջերմուկ՝ հին ավտոճանապարհ) հորդառատ անձրևի հետևանքով տեղի է ունեցել սելավային հոսք (հողային զանգվածը մոտ 20 խ. մ)․ ավտոճանապարհը դարձել է անանցանելի։
![](https://banksnews.am/wp-content/uploads/2024/06/448204091_429937473335694_4837655666533311878_n.jpg)
Տարածքի ուսումնասիրության արդյունքում հայտնաբերվել է սելավային հոսքից մասամբ փակված ևս 2 հատված (համապատասխանաբար, մոտ 5 և 7 խ. մ)։ Մաքրման աշխատանքներ իրականացնելու համար անհրաժեշտ է ինժեներական տեխնիկա։
Փրկարարները սահմանազատել են տարածքը։