WhatsApp մեսենջերն արգելափակել է ավելի քան 2 միլիոն օգտահաշիվ։ Նման տեղեկություն է համացանցում տարածվել ընկերության ամենամսյա հաշվետվության հրապարակումից հետո։ Հայտնում է Neowin-ը։
Խոսքը 2.39 մլն հնդկական օգտահաշվի մասին է, որոնք արգելափակվել են տեղեկատվական տեխնոլոգիաների ոլորտում այս երկրի խիստ օրենքների պատճառով։
2,39 միլիոն աքաունթից 1,42 միլիոնը «պրոակտիվորեն արգելափակվել է»՝ նախքան օգտատերերից որևէ հաղորդագրություն ստանալը։ WhatsApp-ն այս առիթով հայտարարել է, որ օգտատերերի բողոքներին արձագանքելուց զատ, հարթակում «վնասակար գործողությունները» նախօրոք կանխելու համար, կիրառվում են հատուկ գործիքներ և ռեսուրսներ:
Ավելի վաղ WhatsApp-ը որպես կեղծ լուրեր տարածելու և ատելություն սերմանելու միջոց խիստ քննադատության էր ենթարկվել ոչ միայն Հնդկաստանում, այլև աշխարհի այլ երկրներում: