Հայաստանի Հանրապետության ողջ տարածքը թե՛ հողամասերի, և թե՛ շինությունների համար բաժանված է տարածագնահատման 20 գոտիների, որոնց նկարագրերն ու քարտեզները սահմանված են ՀՀ կառավարության 2020թ. հունիսի 4-ի 1023-Ն որոշմամբ:
Հողամասերի (բացառությամբ` գյուղատնտեսական նշանակության հողերի) 1 քմ մակերեսի բազային արժեքը սահմանված է 330,000 ՀՀ դրամ, որը յուրաքանչյուր հաջորդ գոտու համար նվազելով, 20-րդ՝ վերջին գոտու համար արդեն կազմում է 92,4 ՀՀ դրամ։
Շինությունների համար 1 քմ մակերեսի բազային արժեքը սահմանված է 700,000 ՀՀ դրամ, որը վերջին՝ 20-րդ գոտու համար կազմում է 31,920 ՀՀ դրամ։
Շինությունների շուկայական արժեքին մոտարկված կադաստրային արժեքի հաշվարկման ժամանակ հաշվի են առնվում հետևյալ գործոնները
- շինության կառուցման նյութի տեսակ,
- շինության գտնվելու վայրի տարածագնահատման գոտիականություն,
- հարկայնություն,
- ներքին բարձրություն,
- միջհարկային ծածկի նյութի տեսակ,
- տանիքի նյութի տեսակ,
- նպատակային նշանակություն,
- օժանդակ շինությունը բնութագրող,
- արտաքին հարդարում,
- ավարտվածության աստիճան,
- վնասվածություն,
- կառուցման տարեթվից կախված մաշվածություն։
Loading ...