Տնտեսության առանցքներից մեկը գյուղատնտեսությունն է՝ շոշափելի թվով աշխատատեղերի և պարենային անվտանգության ապահովման երաշխավորը։
2024թ. առաջին եռամսյակում գյուղատնտեսության համախառն արտադրանքի ծավալները կազմել են 87,274.1 մլն դրամ։ Վերջինիս 84%-ն ապահովել է անասնաբուծության, իսկ 16%-ը՝ բուսաբուծության ոլորտը։ ՀՀ գյուղատնտեսության ոլորտում 2024թ. առաջին եռամսյակում 2023թ. նույն եռամսյակի համեմատ փոփոխությունները եղել են հետևյալը․
![](https://banksnews.am/wp-content/uploads/2024/05/converse-970x250-c360.webp)
Արձանագրենք, որ գյուղատնտեսության համախառն արտադրանքի ծավալների աճը 2024թ. առաջին եռամսյակում 2023թ․ նույն եռամսյակի համեմատ կազմել է 3,7%։ Ընդ որում՝ 2024թ. առաջին եռամսյակում 2023թ. նույն եռամսյակի համեմատ անասնաբուծության համախառն արտադրանքի իրական աճը կազմել է 0,4%, իսկ բուսաբուծության պարագայում՝ 24,5%։
Վիճակագրական կոմիտեն նշում է, որ բուսաբուծության ոլորտի առավել մանրամասն վիճակագրությունը հրապարակվելու է 2024թ. երկրորդ եռամսյակից սկսած, իսկ անասնաբուծության մասով առկա վիճակագրությունն ուսումնասիրելիս նկատում ենք, որ սպանդի համար իրացված գյուղատնտեսական կենդանիների և թռչունների ծավալների ամենաբարձր աճերը 2024թ. առաջին եռամսյակում նախորդ տարվա նույն եռամսյակի համեմատ արձանագրվել են Երևանում, Լոռիում և Վայոց Ձորում համապատասխանաբար 37,5%-ով, 29,4%-ով և 20%-ով։
Այս ցուցակում այդքան էլ բնական չէ Երևանի մասնակցությունը և այն էլ՝ այդքան բարձր աճի ապահովումը։ Նույն կերպ ձվի արտադրության ծավալների պարագայում։ 2024թ. առաջին եռամսյակում նախորդ տարվա նույն եռամսյակի համեմատ ձվի արտադրության ծավալների առավելագույն աճեր դիտվել են Արմավիրում, Երևանում և Սյունիքում՝ համապատասխանաբար 28,3%-ով, 18%-ով, և 3,1%-ով։
Բաժանորդագրվեք մեր ալիքին Telegram-ում