Չնայած տարիներ շարունակ ձգձգումներին, Amazon-ը իր Prime Air առաքման առանց վարորդի ծրագիրը Արիզոնայի կիզիչ անապատներ է բերել:
Այնուամենայնիվ, այն բնակիչները, ովքեր երազում են անօդաչու թռչող սարքով առաքվող պաղպաղակի մասին, անտանելի տապի ժամանակ կարող են հիասթափվել:
Ընկերության անօդաչու սարքերը չեն կարողանում դիմանալ շոգին։ Դրանք վայրէջք են կատարում, երբ ջերմաստիճանը գերազանցում է 40°C-ը, ինչը երեք ամիսների ընթացքում հաճախ է տեղի ունենում Արիզոնա նահանգի Տոլլեսոն քաղաքում, այն քաղաքում, որտեղ Amazon-ը նախատեսում է բացել իր ցանցը:
Անօդաչու առաքիչների այս սահմանափակ աշխատանքը վերլուծաբանների մոտ հարցեր է առաջացնում: Հատկապես, երբ Wing-ի և Walmart-ի նման մրցակիցներն ավելացնում են առանց վարորդի առաքման իրենց ջանքերը, փորձագետները հետաքրքրվում են՝ արդյոք նման սահմանափակումներ ունեցող Արիզոնան բիզնես տեսանկյունից տարօրինակ ընտրություն չէ։
Ի դեպ, Կալիֆորնիայի բնակիչները, որտեղ Amazon-ը ամենաառաջինն է թողարկել անօդաչու սարքերով առաքման ծառայությունը, հայտնում են, որ պատվեր կատարում են միայն հաճախակի զեղչերի պատճառով։
Բաժանորդագրվեք մեր ալիքին Telegram-ում
