Ֆրանսիան և Ալժիրը քննարկում են ալժիրյան կողմից գազի մատակարարումների 50%-ով ավելացումը։
«Էմանուել Մակրոնի Ալժիր կատարած այցի արդյունքում դեռևս ոչ մի համաձայնագիր չի ստորագրվել, դրա շուրջ քննարկումները (ֆրանսիական էներգետիկ և գազային ընկերության) Engie-ի և երկրի իշխանությունների միջև պետք է սկսվեն մոտակա ժամերին»,- հայտնել է BFMTV հեռուստաալիքը։
FMTV-ն հիշեցնում է, որ Ալժիր կատարած իր այցի ժամանակ, որն ավարտվել է շաբաթ օրը, Ֆրանսիայի նախագահը լրագրողների հետ զրույցի ընթացքում հերքել է, որ եկել է բանակցություններ վարելու ալժիրյան գազի մատակարարումների շուրջ։
«Ֆրանսիայի կախվածությունը գազից շատ քիչ է, այն կազմում է մոտ 20%, մենք այնպիսի իրավիճակում չենք գտնվում, որ ալժիրյան գազը որևէ էական փոփոխություն տա մեզ համար», — նշել է Մակրոնը։
Լրատվամիջոցը պարզաբանում է, որ այս պահին խոսքը բանավոր պայմանավորվածությունների մասին է, բանակցությունները պետք է շուտով սկսվեն։
Թեև էներգետիկան, գոնե պաշտոնապես, այս այցի կիզակետում չէր, բայց Engie-ի ղեկավար Քեթրին Մակգրեգորը ֆրանսիական պատվիրակության կազմում էր և նա հանդիպեց Ալժիրի էներգետիկայի նախարարի և Ալժիրի պետական նավթագազային Sonatrach ընկերության ղեկավարության հետ, նշում է հեռուստաալիքը։
Բաժանորդագրվեք մեր ալիքին Telegram-ում
