Մեկ տարի առաջ ամերիկյան տեխնոլոգիական միլիարդատերերը մեծ հաջողություններ էին գրանցում․ շուկայական գները գերազանցում էին բոլոր հնարավոր ռեկորդները, իսկ վենչուրային կապիտալի հիմնադրամները մեծ գումարներով ստարտափներ էին ստեղծում: Տեխնոլոգիական հսկաներն այս տարի մեծ կորուստներ են կրել։
Անցած տարվա ընթացքում արժեթղթերի գներն անկում են ապրել, ինֆլացիայի մակարդակը բարձրացել է, և Forbes-ի վարկածով ԱՄՆ-ի 400 ամենահարուստ մարդիկ ընդհանուր առմամբ աղքատացել են $ 500 միլիարդով։ Անկման հիմնական մասն իրենց վրա են վերցրել ամենահարուստ տեխնոլոգիական մագնատները․ 2021 ֆինանսական տարվա աշնանից ի վեր նրանք կորցրել են $ 315 միլիարդի ակտիվ։
Ընդհանուր առմամբ, 2022 թվականի վարկանիշում 65 մարդ հարստացել է տեխնոլոգիաների հաշվին։ Նրանցից 50-ն այսօր ավելի աղքատ են, քան 2021 թվականին։
Ստորև ներկայացված են Թոփ 5 տեխնոլոգիական միլիարդատերերը, ովքեր վերջին 12 ամիսների ընթացքում կրել են ամենամեծ կորուստները՝ դոլարային արտահայտությամբ։ Համեմատությունը կատարվել է 2021 թվականի սեպտեմբերի 3-ի և 2022 թվականի սեպտեմբերի 2-ի ցուցանիշների միջև։
1. Ջեֆ Բեզոս
Կարողությունը՝ 151 միլիարդ դոլար
Կորուստները՝ 50 մլրդ դոլար
Հիմնական ակտիվը՝ Amazon
Վերջին մեկ տարվա ընթացքում Բեզոսը կորցրել է Ամերիկայի ամենահարուստ մարդու կարգավիճակը՝ զիջելով այդ պատվավոր տեղը Tesla և SpaceX ընկերությունների հիմնադիր Իլոն Մասկին։
2. Լարի Փեյջ
Կարողությունը՝ 93 միլիարդ դոլար
Կորուստները՝ 30 մլրդ դոլար
Հիմնական ակտիվը՝ Alphabet
Փեյջը և Սերգեյ Բրինը՝ աշխարհի ամենահայտնի որոնողական համակարգի հիմնադիր զույգը, 2019 թվականի վերջին հեռացան Google-ի և մայր ընկերության՝ Alphabet-ի գործառնական վերահսկողությունից: Անցյալ տարվա վարկանիշի հրապարակումից ի վեր բաժնետոմսերի գինը նվազել է 25 %-ով, ինչի հետևանքով Փեյջը կորցրել է 30 միլիարդ դոլար՝ իր անձնական կարողությունից: Ի դեպ, մեկ տարի առաջ ձեռնարկատերը բնակության թույլտվություն է ստացել Նոր Զելանդիայում։
3. Սերգեյ Բրին
Կարողությունը՝ 89 միլիարդ դոլար
Կորուստները՝ 29,5 մլրդ դոլար
Հիմնական ակտիվը՝ Alphabet
4. Բիլ Գեյթս
Կարողությունը՝ 106 միլիարդ դոլար
Կորուստները՝ 28 մլրդ դոլար
Հիմնական ակտիվը՝ Microsoft
Microsoft-ի բաժնետոմսերի համար անհաջող տարվա պատճառով Գեյթսի դրամապանակ նոսրացել է, սակայն կորուստների զգալի մասը նա կրել է կանխամտածված քայլերի հետևանքով. հուլիսին, բարեգործական մեգանախագծերին նվիրատվությունների տոկոսադրույքը բարձրացնելու նպատակով, կորպորացիայի հիմնադիրը 20 միլիարդ դոլար է նվիրաբերել Բիլ և Մելինդա Գեյթս հիմնադրամին։
5. ՄաքՔենզի Սքոթ
Կարողությունը՝ 37,7 միլիարդ դոլար
Կորուստները՝ 20,8 մլրդ դոլար
Հիմնական ակտիվը՝ Amazon
Ինչպես Գեյթսը, այնպես էլ Սքոթն ինքն է որոշել ազատվել իր կարողության մեծ մասից։ Անցյալ տարվա հունիսից Բեզոսի նախկին կինը ավելի քան 4 միլիարդ դոլար է նվիրաբերել տարբեր նախաձեռնություններին, այդ թվում՝ «Planned Parenthood» և «Boys & Girls Clubs of America»-ին:
Բաժանորդագրվեք մեր ալիքին Telegram-ում
