Գազի ֆյուչերսների գների անկման տեմպերն Եվրոպայում արագանում են։ Համաձայն Լոնդոնի ICE բորսայի տվյալների` դրանք արդեն իջել են $2900-ից՝ հազար խորանարդ մետրի համար։
Մոտակա ֆյուչերսների առևտուրը (ըստ եվրոպական խոշորագույն TTF կենտրոնի ինդեքսի) բացվել է երկուշաբթի օրը հազար խորանարդ մետրի դիմաց 3287,3 դոլար (-6,3%) մակարդակում։ Մոսկվայի ժամանակով ժամը 12.34-ի դրությամբ գները նվազել են 17%-ով՝ կազմելով 2908,6 դոլար հազար խորանարդ մետրի դիմաց և արդեն իջել են մինչև 2839,2 դոլար (-19%, մինչդեռ սա այսօրվա գնային նվազագույնն է):
Մարտի սկզբին Եվրոպայում գազի գները, ռուսական էներգառեսուրսների ներմուծման արգելքի մտավախությունների պատճառով, չորս օր անընդմեջ թարմացրին իրենց պատմական առավելագույն ցուցանիշները։
Հազար խորանարդ մետրի դիմաց գնային ռեկորդը՝ 3892 դոլար, գրանցվել է մարտի 7-ին։ Այս ամենը ռեկորդային է Եվրոպայի համար 1996 թվականից ի վեր:
Գազի եվրոպական շուկաներում գների վերջին բարձրացումը պայմանավորված է գազի մատակարարման անորոշությամբ։
Մեկ շաբաթ առաջ «Գազպրոմը» հայտարարեց, որ «Հյուսիսային հոսքը» Պորտովայայի կոմպրեսորային կայանի միակ գործող գազի պոմպակայանի պլանային սպասարկման պատճառով, կդադարեցվի երեք օրով՝ օգոստոսի 31-ից սեպտեմբերի 2-ը։
Գազի մատակարարման ֆյուչերսային պայմանագրերի գները սեպտեմբերին (ըստ TTF-ի) այս լուրերից հետո աճել են գրեթե 8 տոկոսով՝ հազար խորանարդ մետրի դիմաց 2700 դոլարից ավելի։
Բաժանորդագրվեք մեր ալիքին Telegram-ում
