Տարեսկզբից աշխարհում COVID-19-ից մահացածների թիվը հասել է 1 միլիոնի. ԱՀԿ

1 Min Read

Աշխարհում COVID-19-ից մահացածների թիվը 2022 թվականի սկզբից հասել է մեկ միլիոնի, այս մասին նշել է ԱՀԿ ղեկավար Թեդրոս Գեբրեյեսուսը։ Նրա խոսքով, երկրագնդի բնակչության մեկ երրորդը դեռևս պատվաստված չէ կորոնավիրուսի դեմ։

«Այս տարի մենք հատել ենք COVID-19-ից 1 միլիոն մարդու մահվան ողբերգական շեմը», – ասաց ԱՀԿ ղեկավարը։

Անցած 4 շաբաթվա ընթացքում մահացությունների թիվն աճել է 35%-ով, իսկ մեկ շաբաթվա ընթացքում 15 հազար մարդ մահացել է կորոնավիրուսից, ասել է պարոն Գեբրեյեսուսը մամուլի ասուլիսի ընթացքում:

«Աշխարհի բնակչության մեկ երրորդը մնում է չպատվաստված, ներառյալ բուժաշխատողների երկու երրորդը և ցածր եկամուտ ունեցող երկրներում տարեցների երեք քառորդը», – ասաց ԱՀԿ ղեկավարը: Նա կարծում է, որ նման ցուցանիշները թույլ չեն տալիս ասել, որ մարդկությունը սովորել է ապրել կորոնավիրուսի հետ՝ չնայած գործիքների առկայությանը, որոնք կարող են կանխել այդ մահերը։

Օգոստոսի 25-ին Ռուսաստանում մարտի կեսերից ի վեր առաջին անգամ գրանցվել է կորոնավիրուսի գրեթե 44 հազար դեպք։

COVID-19-ով հիվանդացության աճի ֆոնին Ռոսպոտրեբնադզորը խորհուրդ է տվել դիմակներ կրել այն շրջաններում, որտեղ վարակվածների թիվը գերազանցում է 50 դեպքը 100,000 բնակչի հաշվով, գրում է Коммерсант-ը։

Share This Article
327 Comments