Մեր նախորդ վելուծությունում անդրադարձանք աշխարհի չափահաս բնակչության սպասումներին` 2024թ.-ին համաշխարհային տնտեսությունում հնարավոր զարգացումների մասով։
Արդյունքում բավականին վատատես էին հարցմանը մասնակից ճապոնացիները։ Նրանց միայն փոքր մասն էր այն կարծիքին, որ 2024թ-ին 2023թ-ի համեմատ համաշխարհային տնտեսությունը կամրապնդվի։ Չնայած այս տեսակետներին՝ 2024թ-ի մարտի 5-ին նախորդ տարվա նույն օրվա համեմատ ճապոնական Nikkei 225 ֆոնդային բորսան արձանագրել էր աննախադեպ աճեր։ Այս աճերի հիմքում են բորսայում շրջանառվող խոշոր ընկերությունների արժեթղթերի աննախադեպ աճերը։
1 տարվա ընթացքում զգալի աճեր արձանագրած ճապոնական ընկերությունների թոփ տասնյակին կարող ենք ծանոթանալ ստորև․
Նախ և առաջ նկատենք, որ 1 տարվա ընթացքում ճապոնական Nikkei 225 ֆոնդային բորսան աճել է 44%-ով, որը 1989թ․-ից ի վեր արձանագրված ամենաբարձր արդյունքն է։
Աննախադեպ աճ է արձանագրել Sakura Internet Inc ընկերությունը, որը զբաղվում է տարբեր համացանցային ծառայություններ մատուցելով։ Ընկերության շուկայական կապիտալիզացիայի մակարդակը կազմում է մոտ $2,2 մլրդ, արժեթղթերի գները 1 տարվա ընթացքում աճել են 1,515%-ով։
Ընկերության արժեթղթերն այսքան գրավիչ դարձան այն բանից հետո, երբ հայտարարվեց, որ բարձր տեխնոլոգիական հսկան սուպերհամակարգիչներ է նախագծում, որոնք զբաղվելու են գեներատիվ արհեստական բանականության տեխնոլոգիաների զարգացմամբ։
Իրավիճակն ավելի թեժացավ, երբ ծրագրի ֆինանսավորմանը միացավ ճապոնական կառավարությունը։
Երկրորդ և երրորդ տեղերում են հայտնվել Sumiseki Holdings-ի և Japan Engine Corp-ի արժեթղթերը` 1 տարում աճելով համապատասխանաբար 1,032%-ով և 1,022%-ով։
Sumiseki Holdings-ի և Japan Engine Corp-ի շուկայական կապիտալիզացիայի մակարդակը կազմում է համապատասխանաբար $1,3 մլրդ և $275 մլն։ Մեր ընթերցողներին տեղեկացնենք, որ Sukiyaki Holdings-ը ներմուծում, գնում և վաճառում է ածուխ:
Այն նաև արտադրում և վաճառում է արհեստական ադամանդներ, ինչպես նաև հավաքում, վերամշակում և վաճառում է մանրացված քարեր:
Japan Engine Corp-ը զբաղվում է շարժիչների և դրանց պարագաների մշակմամբ, նախագծմամբ, արտադրությամբ, տեխնիկական սպասարկմամբ, վերանորոգմամբ, վաճառքով և լիցենզավորմամբ:
Բաժանորդագրվեք մեր ալիքին Telegram-ում
