2024 թվականի մարտի 4-ին Apple-ը ներկայացրեց MacBook Air-ի թարմացված տարբերակները՝ հիմնված հզոր M3 չիպի վրա։ Այս մասին տեղեկանում ենք ընկերության պաշտոնական կայքից։
Apple-ը հայտարարել է, որ նոր MacBook Air-ը մինչև 60%-ով ավելի արագ է, քան M1 չիպով մոդելները, և մինչև 13 անգամ ավելի արագ, քան Intel-ի հիման վրա ստեղծված ամենաարդյունավետ MacBook Air-ը:
Նոր MacBook Air-ը հասանելի է երկու չափսով՝ 13,6 և 15 դյույմ՝ Liquid Retina էկրանով, Full HD տեսախցիկով, Touch ID-ով, Wi-Fi 6E-ով, իսկ մարտկոցն աշխատում է մինչև 18 ժամ։
M3 չիպով MacBook Air 13-ը սկսվում է 1099 դոլարից, իսկ MacBook Air 15-ը M3-ով արդեն հասանելի է նախնական պատվերների համար՝ սկսած 1299 դոլարից:
Apple-ը կսկսի նոութբուքերի վաճառքը 2024 թվականի մարտի 8-ից՝ Starlight, Space Grey, Silver և Midnight գույներով:
Բաժանորդագրվեք մեր ալիքին Telegram-ում
