Եվրամիությունը պատրաստվում է տուգանել Apple-ին մոտ 500 մլն եվրոյով (539 մլն դոլար)՝ ԵՄ օրենսդրության ենթադրյալ խախտման համար, – հայտնում է Reuters-ը՝ հղում անելով Financial Times-ի անանուն աղբյուրներին:
Նշվում է, որ տուգանքի մասին կհայտարարվի հաջորդ ամսվա սկզբին:
Անցյալ տարի Եվրահանձնաժողովը մեղադրել էր Apple-ին հոսքային երաժշտության շուկայում մրցակցությունը խաթարելու մեջ: Ուսումնասիրելով App Store-ի կանոնները՝ պարզվել է, որ ծրագրավորողները չեն կարողանում օգտատերերին տեղեկացնել վճարովի երաժշտության այլ տարբերակների մասին:
Թե՛ Եվրահանձնաժողովը, թե՛ Apple-ը չեն արձագանքել Financial Times-ի անդրադարձին:
Բաժանորդագրվեք մեր ալիքին Telegram-ում
