Ցորենի ներմուծման ծավալները կրճատվել են 32 %-ով. մրգինը՝ 17%-ով. որքանով է վտանգված ՀՀ պարենային անվտանգությունը

29 Նոյեմբերի, 2023
2 Min Read
Ցորենի ներմուծման ծավալները կրճատվել են 32 %-ով. մրգինը՝ 17%-ով. որքանով է վտանգված ՀՀ պարենային անվտանգությունը

Մեր նախորդ վերլուծություններում մի քանի անգամ անդրադարձել ենք ռուս-հայկական վատթարացող  հարաբերություններին՝ նշելով, որ ՀՀ տնտեսությունը չափազանց մեծ կախվածություն ունի ՌԴ տնտեսությունից։ Իրավիճակի էլ ավելի սրումն անմիջական ազդեցություն կունենա ՀՀ տնտեսության ՝ հատկապես ՀՀ արտահանման և ներմուծման վրա։ Արդեն տեսնում ենք ռուսական կողմի վերաբերմունքը ԵՏՄ անդամ Հայաստանին։


Հայկական արտադրանքով բեռնատարները Լարսի անցակետից հետ են ուղարկվում․ ի՞նչն է պատճառը


Սա փաստացի նշանակում է տնտեսական պատժամիջոցների կիրառում դաշնակից երկրի նկատմամբ։ Անշուշտ, ռուսական այս քաղաքականությունն է՛լ ավելի է մեծացնում Հայաստանում առկա բացասական տրամադրվածությունները ՌԴ-ի նկատմամբ։ Ի վերջո տուժում են սովորական քաղաքացիները զուտ այն պատճառով, որ իշխանական վերին օղակներում դաշնակիցները չեն կարողանում դաշնակցային պատշաճ հարաբերություններ պահպանել և գալ ընդհանուր հայտարարի։

Այս ամենը վտանգավոր է նաև պարենային անվտանգության տեսանկյունից։ Գաղտնիք չէ, որ Հայաստանը մեծ ծավալների պարենային ապրանքներ է ներմուծում․

ՀՀ վիճակագրական կոմիտեի տվյալների համաձայն՝ 2023թ-ի երրորդ եռամսյակում ՀՀ է ներմուծվել մոտ 90 հզր տոննա ցորեն։ Այս ծավալները 2022թ-ի նույն եռամսյակի համեմատ կրճատվել են 32%-ով։

Ներմուծման ծավալով երկրորդ տեղում է շաքարավազի ներմուծումը։ Վերջինիս ծավալները 2022թ․-ի երրորդ եռամսյակի համեմատ աճել են շուրջ 9 անգամ։

Երրորդ տեղում է մրգի ներմուծումը, որի ծավալները 2023թ․-ի երրորդ եռամսյակում կազմել են մոտ 11 հզր տոննա։ Վերջինս 2022թ-ի երրորդ եռամսյակի համեմատ նվազել է 17%-ով։

Մյուս կողմում ՀՀ պարենային ապրանքների արտահանումն է․

 ՀՀ վիճակագրական կոմիտեի տվյալները փաստում են, որ ՀՀ-ն 2023թ-ի 3-րդ եռամսյակում արտահանել է մոտ 44 հզր տոննայի միրգ։ Վերջինիս արտահանման ծավալները 2022թ-ի նույն եռամսյակի համեմատ աճել են  3%-ով։

Արտահանման մեծ ծավալներով աչքի է ընկնում կոնյակը՝ մոտ 22 հզր տոննա։ Սակայն 2022թ-ի նույն ժամանակահատվածի համեմատ ցուցանիշը կրճատվել է 17%-ով։

Հաջորդիվ զգալի ծավալ են հանքային ջրերի արտահանումը, որի ծավալները 2023թ-ի 3-րդ եռամսյակում կազմել է մոտ 6 հզր տոննա։ Այս ծավալները 2022թ-ի երրորդ եռամսյակի համեմատ կրճատվել են 25%-ով։

  • Գաղտնիք չէ, որ արտահանման և ներմուծման ծավալներում իր շոշափելի բաժինն ունի ՌԴ-ն, ինչին մենք անդրադարձել էինք նախորդ վերլուծությունում:
TAGGED:
Կիսվեք այս հոդվածով
1 Comment