Աշխարհի խոշորագույն օդանավաշինական ընկերություններից մեկի՝ Boeing-ի ներքին տվյալները համացանցում են հայտնվել Lockbit-ի՝ կիբերհանցագործ խմբավորման կողմից, որը սպառնում է գողացված տվյալները բացահայտել, եթե «փրկագին» չվճարվի «տուժողի» կողմից: Այս մասին հայտնում է Reuters-ը:
Հաքերները հոկտեմբերին հայտարարել էին, որ ամերիկյան օդատիեզերական հսկայից ստացել են հսկայական քանակությամբ գաղտնի տվյալներ և դրանք կտեղադրվեն համացանցում, եթե Boeing-ը փրկագին չվճարի մինչև նոյեմբերի 2-ը
Չինացի հաքերները կոտրել են ԱՄՆ Պետդեպի 60 հազար նամակագրություն
Lockbit կայքում տեղադրված հաղորդագրության համաձայն՝ Boeing-ի տվյալները հրապարակվել են ուրբաթ վաղ առավոտյան: Boeing-ը հաստատել է, որ ընկերության մասերի արտադրության և բաշխման բիզնեսի բաժինները ենթարկվել են կիբերհարձակման: Ընկերության ներկայացուցիչները պնդում են, որ իրենք շարունակում են հետաքննել միջադեպը և, անհրաժեշտության դեպքում, կապ կպահեն իրավապահ մարմինների, կարգավորող մարմինների և հնարավոր տուժած կողմերի հետ:
ԱՄՆ-ի կիբերանվտանգության և ենթակառուցվածքային անվտանգության գործակալության (CISA) տվյալներով՝ Lockbit հաքերային խմբավորումը հարձակվել է ԱՄՆ-ում 1700 կազմակերպությունների վրա։
Բաժանորդագրվեք մեր ալիքին Telegram-ում
